+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Túrkistan ákimi halyqpen eseptik kezdesýin keshirim suraýdan bastady

2021 jylǵy 22 qańtar 01:17
Bólisińiz:
Túrkistan ákimi halyqpen eseptik kezdesýin keshirim suraýdan bastady

TÚRKІSTAN. QazAqparat - Túrkistan qalasynyń ákimi Rashıd Aıýpov kezekti esep berý jıynynda halyqtan keshirim surady. Shahar basshysy josparlanǵan bazbir jobalardy karantın kezinde júzege asyrýda qıyndyqtar týyndap, kesheýildep qalǵanyn jetkizdi, dep habarlaıdy QazAqparat tilshisi.

«Byltyr iske asyrýǵa sóz bergen birqatar jobamyz atqarylmaı qaldy. Senim artyp, úmit etken ár turǵynnan basymdy ıip, keshirim ótinemin. Basymdylyq osy jobalarǵa berilip, tolyqtaı bitýi bıyldan qalmaýy tıis. Іndet – ótirik syltaý bolmaýy tıis! Іndettiń kóptegen salaǵa keri áseri tıgeni ras. Biraq, keı sala basshylary indetti syltaýratyp, jumystaryn tııanaqty jasamaı otyrǵany ókinishti. Bıyl osy salalar boıynsha jumys qarqyn talaby udaıa túsetinin eskertemin»,- dedi Rashıd Aıýpov.

Qala ákimi sondaı-aq, erekshe qajettilikteri bar azamattarymyzdyń muqtajy nazardan tys qalyp jatqanyn atap ótti. Aǵymdaǵy jyly «Kedergisiz keleshek» baǵdarlamasy aıasynda halyqqa jan-jaqty jaǵdaı jasalatynyn tilge tıek etti.

«Bitken iske synshy kóp» degen jaqsy sóz bar. Qandaı da jobanyń barlyq adamnyń kóńilinen birdeı shyǵýyn kútý – úlken qatelik. Birine unaǵany mindetti túrde ekinshi adam tarapynan keri qabyldanýy múmkin. Biraq, atqarýshy organ retinde basym kópshilikke unaýy maqsatynda, turǵyndarymyzǵa jobalardyń iske asyrylýy barysyna qatysýǵa múmkindik berýdi bas mindetimiz deı kele, byltyr «Halyqtyq Joba», «Halyqtyq Bıýdjet» baǵdarlamalaryn júzege asyrýdy bastaǵan bolatynbyz. Bıyl osy jobalarymyzdyń jumysyn qarqyndata túspekpiz. Sondyqtan, qurmetti qala turǵyndary, atalǵan jobalardy ózderińizge jaılylyq syılar, tıimdi bolar degen rette iske asyrýǵa úles qosýǵa shaqyramyn. Kez kelgen isti basynan qalaýly túrde jasaý, bitkennen keıin ózgertkennen áldeqaıda tez de ońaı, tıimdi de durys bolaryna kelisesizder dep oılaımyn»,- dedi Rashıd Aıýpov.

Aıta keteıik, ótken jyly shahar basshysy turǵyn úılerdiń jyl sońyna deıin tolyqtaı kógildir otyrǵa qosylatytyn aıtyp, jurtty kómir almaýǵa shaqyryp edi. Alaıda jeltoqsan aıynda qala turǵyndarynyń tek jartysyna jýyǵy ǵana tabıǵı gazǵa qol jetkizdi. Sonymen qatar áleýmettik jaǵynan az qamtylǵan otbasylar men bıýdjettik mekeme qyzmetkerlerine beriledi dep salynǵan kópqabatty turǵyn úıler de bir jyl boıy qaıta jóndelip, tek qańtar aıynda páter kiltteri tapsyryldy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT