+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Túrkistan 2-3 jylda Qazaqstannyń maqtanyshyna aınalaryna senimdimin – Shókeev

2019 jylǵy 23 qazan 18:33
Bólisińiz:
Túrkistan 2-3 jylda Qazaqstannyń maqtanyshyna aınalaryna senimdimin – Shókeev

NUR-SULTAN-TÚRKІSTAN. QazAqparat – Búgin Nur-Sultan qalasyndaǵy Ortalyq kommýnıkatsııalar qyzmetinde ótken baspasóz máslıhatynda Túrkistan oblysynyń ákimi Ómirzaq Shókeev óńirdiń joǵary týrıstik áleýetine erekshe toqtaldy, dep habarlaıdy QazAqparat tilshisi.

Óńir basshysy kıeli qalanyń ereksheligimen qatar, sheteldik qonaqtardy qalaı qyzyqtyryp jatqandary týraly aıtyp berdi.

«Túrkistan oblysyn qurý týraly Elbasynyń tarıhı sheshimi óńirdiń damýyna tyń serpin berdi. Túrkistan qalasynyń ózi – uly qundylyq. Qaladaǵy Q.A.ıAsaýı kesenesiniń tarıhı, arhıtektýralyq ári ǵylymı turǵyda máni óte zor. Túrkistanǵa kórshiles eldermen birge amerıkalyqtar da, eýropalyqtar da qyzyǵýshylyqpen qaraıdy. Byltyr Túrkistan oblysy qurylyp, onyń ortalyǵy bolyp Túrkistan qalasy bekitilgenin bilesizder. Elbasynyń bul sheshimi óte durys bolǵanyn sarapshylar da, biz de kórip otyrmyz. Nursultan Ábishuly jýyrda óz suhbatynda Túrkistandy damytý týraly oı burynnan beri kókeıde júrgenin aıtqan edi», - dedi Ó.Shókeev.

Obys ákiminiń aıtýynsha, Túrkistan oblysyn qurý ábden zerttelgen strategııalyq mańyzy bar sheshim deýge bolady.

«Túrkistandy túrki áleminiń rýhanı ortalyǵyna aınaldyrýǵa tolyq múmkindik bar. Memleket basshylyǵynyń, óńirlerdiń, iri kompanııalardyń tikeleı qoldaýynyń arqasynda Túrkistan qazirdiń ózinde túrlenip jatyr. Aldaǵy 2-3 jyl kóleminde Túrkistan qalasy Qazaqstannyń maqtanyshyna ári jaýharyna aınalaryna senimdimin», – dedi ol.

Sondaı-aq, aımaq basshysy búginde Túrkistanǵa kelýshi saıahatshylar sany arta túskendigin aıta kele. Kıeli ári týrıstik oryndarǵa aparatyn joldardy jóndeý men ınfraqurylymdy jaqsartý máselesi de nazarda ekenin tilge tıek etti.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT