+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Túrki tildes memleketterdiń joǵary oqý oryndary onlaın kontsert ótkizdi

2020 jylǵy 2 maýsym 17:21
Bólisińiz:
Túrki tildes memleketterdiń joǵary oqý oryndary onlaın kontsert ótkizdi

ALMATY. QazAqparat - Búgin «Bilim. Ǵylym. Baýyrlastyq» atty túrki tildes memleketter joǵary oqý oryndarynyń yntymaqtastyǵyna arnalǵan suhbat-kontsert ótti, dep habarlaıdy QazAqparat.

Uqsas jańalyqtar

Onlaın formattaǵy sharaǵa Qazaq ulttyq qyzdar pedagogıkalyq ýnıversıteti, Túrkııanyń Nıgde Ómer Halısdemır ýnıversıteti jáne Júsip Balasaǵun atyndaǵy Qyrǵyz ulttyq ýnıversıtetiniń qyzmetkerleri men ónerpazdary qatysty.

Birinshi bolyp sóz alǵan Qyzdar ýnıversıtetiniń akademııalyq máseleler jónindegi departament dırektory Qymbat Balajanova elimizde jarııalaǵan karantın jaǵdaıynda qashyqtan oqytý barysy týraly aqparat berip, osy oraıda atqarylǵan jumystar jaıynda keńinen áńgimeledi. Sonymen qatar ol akademııalyq utqyrlyq baǵdarlamasy sheńberinde túrki tildes memleketterde bilim alý múmkindikterin aıtty.

Sondaı-aq onlaın jıynda J. Balasaǵun atyndaǵy Qyrǵyz ulttyq ýnıversıtetiniń pedagogıka fakýltetiniń dekany, «Muǵalim» ǵylymı-pedagogıkalyq jýrnalynyń bas redaktory Rahat Sýlaımanova men Nıgde Ómer Halısdemır ýnıversıtetiniń Eýrazııa zertteýleri bóliminiń basshysy Týrgaı Dúıen óz oqý oryndary týraly tolyqqandy málimet berdi.

Tikeleı efır barysynda sheteldik ǵalymdar túrki birligin damytý oraıynda qolǵa alynyp jatqan bastamalar men bilim jáne ǵylym salasynda túbi bir týystas memleketter arasyndaǵy baılanystardy arttyrý baǵytynda qolǵa alynǵan sharalar jaıynda da aıtty.

Sondaı-aq olar «Bilim jáne ǵylym salasynda túbi bir týystas memleketter arasyndaǵy baılanystardy arttyrý úshin ne isteý kerek dep oılaısyz? Bul tarapta ne nársege mańyz bergen abzal?» degen saýaldarǵa da jaýap berdi.

Úsh saǵatqa sozylǵan shara barysynda atalǵan joǵary oqý oryndarynyń óner ujymdary ulttyq mýzykalyq týyndylardy oryndap, tól mádenıetimizdi dáriptedi.

Aıta keteıik, Qyzdar ýnıversıtetiniń YouTube jelisindegi resmı arnasynda ótken sharanyń kózdegeni – túbi bir týysqan memleketterdiń bilim, ǵylym jáne mádenı yntymaqtastyǵynyń damýyn arttyrý, talantty jastarǵa qoldaý kórsetý.

Atalǵan bilim ordalarynyń qatysýymen jyl saıyn Túrki álemi zertteýleri sımpozıýmy ótip keledi.

2014 jyldan bastaý alǵan dástúrli jıynnyń basty maqsaty - álemdegi ǵylym, bilim salasynda túrki álemine qatysty zertteý jasap júrgen ǵalymdardyń basyn qosyp, ǵylymı baǵytta pikir almasýdy qamtamasyz etý, jańa ǵylymı zertteýlerge jol ashyp, túrki álemi ádebıeti men mádenıetiniń keńeıýine yqpal jasaý.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT