+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Túrki keńesiniń jastarmen jumys isteýiniń jańa quraldaryn izdeý kerek - Aıda Balaeva

2021 jylǵy 20 qyrkúıek 16:19
Bólisińiz:
Túrki keńesiniń jastarmen jumys isteýiniń jańa quraldaryn izdeý kerek - Aıda Balaeva

TAShKENT. QazAqparat - Ózbekstan astanasynda Túrki keńesiniń jastar jáne sport isteri mınıstrleriniń 5-shi otyrysy ótti, dep habarlaıdy QazAqparat QR Aqparat jáne qoǵamdyq damý mınıstrliginiń baspasóz qyzmetine silteme jasap.

Otyrys aıasynda mınıstrler Túrki keńesiniń IDEA jas kásipkerleriniń 1-shi forýmynyń ashylý rásimine qatysty.

Qazaqstandyq delegatsııany QR Aqparat jáne qoǵamdyq damý mınıstri Aıda Balaeva bastady.

Óz sózinde Aıda Balaeva Túrki Keńesiniń qatysýshylaryn jahandyq pandemııa týdyrǵan syn-tegeýrinderge qarsy turý úshin jastarmen jumystyń jańa quraldaryn izdeýge shaqyrdy.

«Majarstandy qosa eseptegende Keńeske múshe memleketterdiń halyq sany 150 mıllıon adamdy quraıdy eken. Sonyń 30 mıllıony jastar. Bul – túrki álemi kelesheginiń zor áleýetiniń dáleli. Jastar – bizdiń bolashaǵymyz dep biz únemi aıtyp kelemiz», — dep atap ótti ol.

Bul rette, jastar saıasaty salasyndaǵy ortaq jumystardyń nátıjeli bolýy úshin Mınıstr Túrki keńesiniń qatysýshylaryna jeti baǵytta birlesken usynymdar jasady.

«Jastar saıasaty salasynda yntymaqtastyqty nyǵaıtýdyń mańyzy zor. Bizdiń Memleket basshylary bul baǵytta naqty baǵdardy kórsetip, barlyq jaǵdaıdy jasap berip otyr. Bizdiń mindetimiz osy múmkindikti barynsha tolyq paıdalaný. Qazaqstan Respýblıkasynyń Aqparat jáne qoǵamdyq damý mınıstrligi tájirıbe almasyp, bilgenimen bólisýge, baıandy bastamalarǵa qoldaý kórsetip, ortaq jobalarǵa belsendi qatysýǵa qashanda daıyn», — dedi A.Balaeva.

Oǵan qosa, otyrys jumysy aıasynda mınıstr Aıda Balaeva Túrik Respýblıkasynyń Jastar jáne sport mınıstri Mehmet Mýharrem Kasapoǵlýmen jáne Ózbekstan Respýblıkasynyń Jastar isteri Agenttiginiń dırektory Alısher Sadýllaevpen kezdesýler ótkizdi.

Sonymen qatar, Túrki keńesine qatysýshy memleketterdiń mınıstrleri Túrkitildes memleketterdiń yntymaqtastyq keńesi sheńberinde IDEA jas kásipkerleriniń 1-shi Jastar forýmynyń ashylýyna qatysty.

Qazaqstandyq jas bıznesmender 6 sessııaǵa qatysty: agrobıznes, IT-startap, týrızm, jeńil ónerkásip, tamaq ónerkásibi, marketıng.

Esterińizge sala keteıik, Mınıstrler otyrysy Túrki keńesine qatysýshy elderdiń jastar saıasaty, bilim berý jáne sport salasyndaǵy yntymaqtastyǵyn keńeıtýge baılanysty birqatar máselelerdi sheshýge yqpal etýge baǵyttalǵan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT