+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Túrki keńesi elderiniń SІM basshylary Aýǵanstandaǵy jaǵdaıdy talqylady

2021 jylǵy 27 qyrkúıek 15:16
Bólisińiz:
Túrki keńesi elderiniń SІM basshylary Aýǵanstandaǵy jaǵdaıdy talqylady

YSTANBUL. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Túrkitildes memleketter yntymaqtastyǵy Keńesiniń Aýǵanstandaǵy ahýal jónindegi Syrtqy ister mınıstrleri keńesiniń kezekten tys otyrysyna qatysty. Bul týraly QazAqparat QR SІM baspasóz qyzmetine silteme jasap habarlaıdy.

Uqsas jańalyqtar
Mońǵolııa Syrtqy ister mınıstriniń Qazaqstanǵa alǵashqy resmı sapary ótti Darhan Qydyráli Mońǵolııanyń «Temirqazyq» ordenimen marapattaldy

Qatysýshylar óńirlik qaýipsizdik jáne aýǵan kún tártibindegi is-qımyldardy úılestirý máseleleri boıynsha pikir almasty.

Óz sózinde M.Tileýberdi Qazaqstannyń Aýǵanstanǵa kómek kórsetýde túrki elderimen yntymaqtasýǵa daıyn ekenin málimdedi. «Qazaqstan Aýǵanstandaǵy jaǵdaıdy turaqtandyrý boıynsha halyqaralyq kúsh-jigerge, birinshi kezekte gýmanıtarlyq salada jáne BUU-nyń ortalyq úılestirý rólinde óz úlesin qosýdy jalǵastyrýda», - dedi Qazaqstan SІM basshysy. Osyǵan baılanysty ol Qazaqstannyń BUU qurylymdary arqyly Aýǵanstanǵa kómek kórsetýge BUU tarapynan qoldaý tapqanyn erekshe atap ótti.

Taraptar terrorızmniń taralý, qarý-jaraq pen esirtkiniń zańsyz aınalymy, zańsyz kóshi-qon jáne bosqyndar legi táýekelderin eskere otyryp, jaǵdaıdyń odan ári damýyna monıtorıng júrgizý qajettigin atap ótti.

Konferentsııa qorytyndysy boıynsha birlesken málimdeme qabyldanyp, onda taraptar Aýǵan máselesin halyqaralyq gýmanıtarlyq quqyqty saqtaı otyryp saıası retteýdiń mańyzdylyǵyn jáne Aýǵanstanǵa beıbitshilikke, ulttyq kelisimge, turaqtylyq pen damýǵa qol jetkizýge kómektesýge daıyn ekendigin rastady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT