Túrik kompanııasy Qazaqstanda qorǵanys ónerkásibi salasynda birqatar jobany júzege asyrady
2022 jylǵy 27 maýsym 19:22

Túrik kompanııasy Qazaqstanda qorǵanys ónerkásibi salasynda birqatar jobany júzege asyrady

NUR-SULTAN. QazAqparat - Prezıdent Koç Holding kompanııasynyń basqarma múshesi Alı Kochty qabyldady. Qasym-Jomart Toqaev Koç Holding kompanııasynyń qazirgi jumysymen, sondaı-aq Qazaqstandaǵy birlesken jobalardy júzege asyrý josparymen tanysty, dep habarlaıdy Aqorda.

Alı Kochtyń aıtýynsha, túrkııalyq holdıng qorǵanys ónerkásibi men aýyl sharýashylyǵy salasynda birqatar jobany júzege asyrýǵa nıet bildirip otyr.

Memleket basshysy Túrkııamen aradaǵy yntymaqtastyqtyń elimiz úshin asa mańyzdy ekenine toqtalyp, Qazaqstanda jumys isteıtin ınvestorlarǵa memleket tarapynan árdaıym qoldaý kórsetiletinin aıtty.


Jańalyqtar

Úrdis

MURAǴAT