+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Túrik ınvestorlary Almaty oblysynda gaz-elektr plıta shyǵaratyn zaýyt salýǵa nıetti

2020 jylǵy 1 naýryz 00:00
Bólisińiz:
Túrik ınvestorlary Almaty oblysynda gaz-elektr plıta shyǵaratyn zaýyt salýǵa nıetti

TALDYQORǴAN. QazAqparat - Túrkııalyq «Femas Metal Sanayi ve Ticaret A.S.» kompanııasy Qarasaı aýdanynyń aýmaǵynda gaz jáne elektr plıtalaryn shyǵaratyn jańa kásiporyn ashýǵa nıetti, dep habarlaıdy QazAqparat tilshisi.

Osyǵan baılanysty Almaty oblysynyń ákimi Amandyq Batalov Almaty qalasynda túrkııalyq ınvestorlarmen kezdesti.

Qonaqtardy jyly qarsy alǵan Amandyq Batalov jobany tanystyrý úshin aldymen «Femas Metal Sanayi ve Ticaret A.S.» kompanııasynyń bas dırektory ıÝsýp Úgenge sóz berdi. Túrkııalyq ókil óz kompanııalarynyń jumysy týraly qysqasha baıandap ótti. Onyń aıtýynsha, kompanııaǵa tıesili óndiristik nysanynyń 6-ýy Kaıser qalasynda, bireýi Stambýlda ornalasqan. Onda jalpy sany 1700-deı adam jumys isteıdi. Kompanııa Qazaqstanda da osyndaı óndiris ashyp, ónimderin qazaqstandyqtarǵa keńinen usynýdy kózdep otyr. Sol sııaqty taýarlaryn Qyrǵyz, Ózbekstan sııaqty kórshi elderge ekporttaýǵa da nıetti.

Jobaǵa qatysty aýdanda júrgizilip jatqan jumystar týraly Qarasaı aýdanynyń ákimi Jandarbek Dalabaev aıtyp berdi. J. Dalabaevtyń aıtýynsha, Jarmuhambet aýylynan 12 ga jer ýchaskesi berilgen. Bul aýmaqta qazir zaýyttyń alǵashqy kezeńin iske qosýǵa múmkindik beretin qurylys nysany bar. Aldaǵy ýaqytta onyń irgesin odan əri keńeıtýge de qoldaý jasalady.

Óz kezeginde oblys əkimi A. Batalov oblys aýmaǵynda birqatar túrik ınvestorlary tabysty jumys istep jatqanyn tilge tıek etip, sol qatarda bul jobaǵa da qoldaý kórsetýge əzir ekendigin aıtty.

«Búgingi kúni elimizde «Qarapaıym zattar ekonomıkasy» baǵdarlamasy asa mańyzdy. Oǵan qosa oblysqa gaz tartylyp, eldi mekenderdi gazandyrý qarqyndy júrip jatyr. Óńirdi gazdandyrýdy bastalǵanda kógildir otynmen qamtý nebary 9, 10 % edi, bıyl kórsetkishti 50%-ke jetkizemiz dep otyrmyz. Gazy bar ərbir úıge sizder shyǵaratyn gaz plıtalary qajet bolady. Sondyqtan Qazaqstanda, sonyń ishinde Almaty oblysynda osyndaı kəsiporyn ashý týraly qabyldaǵan sheshimderińiz durys, biz árqashan óz tarapymyzdan qoldaý bildiremiz. Bul kásiporyn elimizde mańyzy zor qazaqstandyq muzmundy arttyrýǵa eleýli yqpal etedi dep senemin» - dedi A. Batalov.

Jalpy, gaz jəne elektr plıtalaryn óndiretin zaýyt salý jobasynyń quny 2 mlrd. teńge dep josparlanyp otyr. Onda shamamen 500-deı jumys orny qurylmaq, onyń 200-i turaqty jumys orny bolady. Zaýyt bıylǵy jyldyń kúzinde iske qosylady dep mejelengen. Ózara yntymaqtastyqty odan əri damytý maqsatynda Túrkııadaǵy Qazaqstan elshiligi bastama kóterip, osy kezdesýge muryndyq bolǵan.

Atap ótsek, «Femas Metal» zaýyty Túrkııadaǵy gaz jəne elektrli turmystyq tehnıka shyǵarýda kóshbasshylar qatarynda. 40 jyldan astam tarıhy bar kompanııanyń ónimderi búginde 6 qurlyqtyń 130 elinde paıdalanylady.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT