+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrik ǵalymynyń Elbasy týraly kitabynyń tusaýy kesildi

2019 jylǵy 3 jeltoqsan 17:14
Bólisińiz:
Túrik ǵalymynyń Elbasy týraly kitabynyń tusaýy kesildi

NUR-SULTAN. QazAqparat – Elordada QR Tuńǵysh Prezıdenti kúnine oraı «Túrki áleminiń tuǵyrly tulǵasy» atty arnaıy shara ótkizildi, dep habarlaıdy QazAqparat tilshisi.

Uqsas jańalyqtar

Jıyndy Halyqaralyq Túrki akademııasy Qazaqstan Halqy assambleıasymen birlesip ótkizip otyr. Sharaǵa Halyqaralyq Túrki akademııasynyń prezıdenti Darhan Qydyráli, Qazaqstan halqy Assambleıasy tóraǵasynyń orynbasary Janseıit Túımebaev, elimizdegi birqatar eldiń elshileri, Parlament Senaty men Májilisiniń depýttary, dıplomatııalyq mıssııa, ǵylymı mekemeler men bilim ordalarynyń basshylary, memleket jáne qoǵam qaıratkerleri, tanymal ǵalymdar men zııaly qaýym ókilderi qatysty.

«Kóptegen elderge qarasaq, belgili bir kezeńder órleý de, quldyraý da baryn tarıhtan kóremiz. Ár memlekettiń bolashaǵy bilikti kóshbasshysyna tikeleı baılanysty. Bul turǵyda Qazaqstan baqytty memleket. Keńes odaǵy ydyraǵan 1991 jyly respýblıkalar óz kúnderin ózderi kóre bastady. Elbasy ekonomıst, saıasatker, mádenıettanýshy, rýhanı basshy esebinde barlyq júkti qatar kótere bildi. Kórshi memlekettermen salystyrsaq, bizdiń eldiń kóp jetistikke jetýin – tarıhı fakt dep aıtýǵa bolady», - dedi jıyn barysynda Janseıit Túımebaev.

Basqosýda belgili túrkııalyq pýblıtsıst, professor Kýrshad Zorlýnyń Elbasy Nursultan Nazarbaevtyń kemeńgerligi men lıderlik qyryn tereń zerdelegen «Nazarbaev kóshbasshylyǵy: Uly Dalanyń órleýi» atty kitabynyń tusaýy kesildi.

«Qazaqstan men Túrkııa eliniń «Birlik bolmaı, tirlik bolmas» degen ortaq sózi bar. Sondyqtan, jańa dáýirdiń júıesi Qazaqstan men Túrkııanyń bir-birimen tyǵyz baılanysyp, jaqyndasýyn talap etedi. Túrik jurty sizderdiń qysqa ýaqyt ishinde qol jetkizgen jetistikterińizge súısine qaraıdy. Qysqa ýaqyt ishinde damyǵan elderdiń qataryna basqandaryńyzdy maqtan tutýda. Qazaqstan táýelsizdik alǵannan keıin Túrkııada qazaq tilinde sóıleıtin adamdar kóbeıdi. Elbasy Nursultan Nazarbaevty qazirgi tańda búkil túrik halqy biledi. Biz Qazaqstannyń damýyn – Uly dalanyń órkendeýi dep bilemiz», - dedi Kýrshad Zorlý.

Avtor kitapty jazyp shyǵýǵa 10 jylǵa jýyq ýaqyty ketkenin aıtyp ótti. Tyń týyndy 5 myń danamen jaryqqa shyǵyp otyr.

«Kitapty jazýǵa Nursultan Nazarbaevtyń óz eńbekterin paıdalandym. Ózim saıasattanýshy ǵalym bolsam da, bul kitapty jazý ońaıǵa túsken joq. Degenmen oıǵa alǵan dúnıe ómirge keldi. Alǵashqy nusqasy qazaq tilinde jaryq kórdi. Aldaǵy ýaqytta ózge tilderde de basylyp shyǵady», - deıdi avtor.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT