Turǵyn úı jaldaý sýbsıdııasyna ótinish qalaı qabyldanady
2022 jylǵy 4 aqpan 16:56

Turǵyn úı jaldaý sýbsıdııasyna ótinish qalaı qabyldanady

NUR-SULTAN. QazAqparat – «Otbasy bank» aktsıonerlik qoǵamy ortalyq fılıalynyń dırektory Jansultan Mataı turǵyn úı jaldaý sýbsıdııasyn alý týraly ótinish qalaı rásimdeletinin túsindirdi, dep habarlaıdy QazAqparat tilshisi.

«Habar» telearnasyndaǵy «Búgin» baǵdarlamasynda «Otbasy bank» ókili qazirgi meje boıynsha baspana jaldaý shyǵynyn sýbsıdııalaý týraly ótinishter mamyr aıynda qabyldana bastaýy múmkin ekenin aıtty.

«Qazaqstan boıynsha 70 myń adam turǵyn úı jaldaý sýbsıdııasyna qol jetkize alady dep jatyrmyz ǵoı. Osy 70 myń adamnyń bárine «Otbasy bank» ofısterine kelýdiń qajet joq. Bul jumystyń bárin onlaın formatta. Úıden shyqpaı otyryp berýge múmkindik bar», - dedi ol.

Aıtýynsha, atalǵan qadamdardyń bárin retteıtin ereje áli bekitilmegen. Biraq jasalyp jatqan nusqasynda osylaı aıtylǵan.

«Birinshiden, osy baǵdarlamaǵa qatysý týraly ótinim beredi. Ekinshiden, óziniń jeke basynyń derbes aqparatyn «Otbasy bank» tarapynan óńdeýge ruqsat beredi. Úshinshiden, óziniń zeınetaqy qoryndaǵy qarajatyna bank atynan suranys jasaýǵa ruqsat beredi. Nesıe alǵan kezde de sondaı protsedýradan ótedi. Osy ruqsattardy bergennen keıin «Otbasy bank» 6 mınıstrliktiń 16 derekqoryndaǵy málimetterdi zerdelep, 10 kúnniń ishinde ótinishke jaýap beredi. Qazir ıntegratsııa protsesi pysyqtalyp jatyr. Bul jumystardyń bári tek onlaın formatta júredi», - dedi Jansultan Mataı.

Aıta keteıik, jańa turǵyn úı saıasatynyń aıasynda elimizde 70 myńnan astam adamnyń turǵyn úı jaldaý shyǵynyn memleket jartylaı sýbsıdııalamaqshy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT