+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Turǵyn úı sharýashylyǵy salasynda qandaı ózgerister bolady

2020 jylǵy 16 qazan 12:51
Bólisińiz:
Turǵyn úı sharýashylyǵy salasynda qandaı ózgerister bolady

NUR-SULTAN. QazAqparat - Turǵyn úı-kommýnaldyq sharýashylyǵy máseleleri jónindegi zańnamaǵa engizilgen túzetýler bıylǵy qańtar aıynan bastap kúshine endi. Endigi kezekte páter ıeleri kooperatıvteri (PIK) ornyna jańa uıym jumys isteıdi. Bul jańashyldyq «bir úı – bir birlestik – bir esepshot» prıntsıpine negizdelgen.

Uqsas jańalyqtar
Almatyda jylý energııasynyń tarıfi qymbattamaıdy Qasym-Jomart Toqaev baspana baǵasynyń sharyqtaýyna tosqaýyl qoıýdy tapsyrdy Bıyl 17 mln sharshy metr turǵyn úı salynady

Zańda TKSh-ny basqarýdyń jańa tetikteri qarastyrylǵan. Árbir kóppáterli úıdiń turǵyndary arnaıy jınalysta birlestik nemese qarapaıym seriktestik qurý týraly sheshim qabyldaıdy. Menshik ıeleriniń birlestigi – zańdy tulǵa retinde kommertsııalyq emes uıym bolady. Ol turǵyndardyń óz ishinen qurylady. Osy taqyrypqa qatysty birneshe suraqqa QR IIDM Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov jaýap bergen edi.

- Marhabat Jaıymbetuly, páter ıeleri kooperatıvi men Múliktiń menshik ıeleri birlestigi arasyndaǵy aıyrmashylyq qandaı?

- Menshik ıelerin biriktirýdiń jańa nysanynyń negizgi aıyrmashylyǵy - jumys prıntsıpi – «bir úı – bir menshik ıeleri birlestigi-bir shot». Árbir úıge (Turǵyn úı keshenine) aǵymdaǵy jáne jınaq shottary jeke ashylatyn menshik ıeleriniń bir birlestigi qurylatyn bolady. Bul menshik ıelerine úıdi kútip-ustaýǵa jumsalatyn qarajattyń jumsalýyn baqylaýǵa múmkindik beredi. Birlestik tóraǵasyn (1 jylǵa), úı keńesin jáne tekserý komıssııasyn úı turǵyndary arasynan menshik ıeleri derbes saılaıdy. Úıdi kútip-ustaý boıynsha qyzmetterdi kórsetý úshin servıstik qyzmet sýbektileri (beıindi kásipterdiń mamandary) tartylatyn bolady, bul qyzmetkerler shtatyn kútip-ustaý boıynsha qarajatty únemdeýge múmkindik beredi.

- Páter ıeleri kooperatıvi tarapynan Múliktiń menshik ıeleri birlestigine ótýde qandaı da bir kedergiler bar ma?

- Qujattardy, aqshalaı qarajatty, tehnıkalyq quraldar men jabdyqtardy berý tártibi PIK-tiń Múliktiń menshik ıeleri birlestigine ótýi kezinde zańnamamen tolyq reglamenttelgen. Kópshilik jaǵdaıda PIK tabys kózinen aırylmaý úshin KPTÚ-ge arnalǵan qujattamany berýden ártúrli syltaýlarmen bas tartady. Osy máseleni sheshý úshin Indýstrııa jáne ınfraqurylymdyq damý mınıstrligi qujattardy berý merzimderin belgileıdi, oǵan sáıkes PIK habarlama alǵan kezde úsh kún ishinde qujattamany berýdi júzege asyrýǵa mindetti. Budan bólek, menshik ıeleriniń qujattamany berý jónindegi sheshimin oryndamaǵany úshin ákimshilik jaýapkershilikti belgileý máselesi pysyqtalyp jatyr.

- Múliktiń menshik ıeleri birlestigine tolyq qashan ótedi?

- Páterlerdiń (turǵyn emes úı-jaılardyń) menshik ıeleri 2021 jylǵy 7 qańtarǵa deıingi merzimde (TKSh máseleleri boıynsha Zań qoldanysqa engizilgen kúnnen bastap bir jyl ishinde) úıdi basqarý nysanyn (múlik ıeleriniń birlestigi nemese jaı seriktestik) tańdaý úshin jınalys ótkizýi qajet. Bul rette jumys istep turǵan PIK 2022 jylǵy 1 shildege deıin jumys isteýge quqyly.

- TKSh boıynsha daıyndalǵan reforma qalaı júzege asady?

- Reforma turǵyndardyń menshikti basqarý, tehnıkalyq qyzmet kórsetý men jóndeýge qarajat jumsaý kezindegi esep berý týraly pikirlerin eskerýdi retteýge arnalǵan. Memleket basshysy múliktiń menshik ıeleri birlestigin máni boıynsha Ózin-ózi uıymdastyrý jáne ózin-ózi basqarý ınstıtýtynyń bazalyq elementi ekenin atap ótti. Ortalyq jáne óńirlik deńgeılerde jobalaý ofısterin qurý boıynsha jumys júrgizilýde. Bul – óńirlerde belgilengen reformalardy ilgeriletýge, úıdi basqarý jáne kútip-ustaý salasyndaǵy daý týǵyzatyn jaǵdaılardy azaıtýǵa, jergilikti jerlerde is júzinde iske asyrýdy jedeldetýge múmkindik beredi. Bul shara ákimdikterge halyqpen tıimdi kommýnıkatsııa júıesin jolǵa qoıýǵa múmkindik beredi. Barlyq sheshimderdi menshik ıeler ózderi qabyldaıtynyn túsiný kerek. Menshik ıeleri qolaıly jáne qaýipsiz jaǵdaı jasaý úshin jáne eń aldymen ortaq múliktiń saqtalýy úshin jaýapty bolýy tıis.

- Múliktiń menshik ıeleri birlestigi qalaı tirkeledi?

- Menshik ıeleriniń birlestigin memlekettik tirkeý memlekettik korporatsııada nemese E-gov portalynda bes jumys kúni ishinde júrgiziledi. Menshik ıeleri jınalys hattamasyn jáne birlestiktiń jarǵysyn (+ótinish, túbirtek) usynýy kerek.

- Kondomınıýmdy basqarý úshin qandaı da bir kýrstan ótýleri kerek shyǵar. Ol jaǵy qalaı bolady?

- Búgingi tańda Múliktiń menshik ıeleri birlestigi tóraǵalary, qarapaıym seriktestiktiń senimdi ókilderi, kóp páterli turǵyn úıdi basqarýshylar, basqarýshy kompanııanyń qyzmetkerleri L.N.Gýmılev atyndaǵy Eýrazııa ulttyq ýnıversıtetiniń bazasynda oqytýdan ótip, úıdi basqarý úshin bilim men daǵdy ala alady. QR IIDM arnaıy baǵdarlama bekitken. Olar 55 saǵattan astam ýaqyt oqýdan ótýileri kerek. Kóp páterli turǵyn úı menedjerleri, sondaı-aq basqarý sertıfıkatyn talap etetin basqarýshy kompanııanyń qyzmetkerleri oqýdan keıin akkredıttelgen uıymda emtıhan tapsyrýy kerek. Sertıfıkatty «Atameken «UKP» akkredıttegen uıymdar beredi.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT