Turǵyn úı salasyn damytýdyń 2026 jylǵa deıingi tujyrymdamasy qabyldanady
2022 jylǵy 5 shilde 15:22

Turǵyn úı salasyn damytýdyń 2026 jylǵa deıingi tujyrymdamasy qabyldanady

NUR-SULTAN. QazAqparat – Qazaqstanda turǵyn úı salasyn damytýdyń 2026 jylǵa deıingi tujyrymdamasyn qabyldaý jumystary bastalyp ketti. Úkimettiń búgingi otyrysynda Premer-Mınıstr Álıhan Smaıylov úkimet múshelerine osy baǵytqa arnalǵan birqatar tapsyrma berdi, dep habarlaıdy QazAqparat tilshisi.

«Jalpy turǵyn úı salasyndaǵy tásilderdi toptastyryp, bir retke keltirý úshin Turǵyn úı-kommýnaldyq ınfraqurylymdy damytýdyń 2026 jylǵa deıingi tujyrymdamasyn qabyldaý jumystary bastalyp ketti. Jańa tásilderdiń jáne mehanızmderdiń mańyzdylyǵy men áleýmettik baǵytyn eskere otyryp, olardyń barlyǵyn tıimdi, ýaqtyly ári sapaly iske asyrý qajet», - dedi Úkimet bashysy.

Onyń aıtýynsha, jańa tujyrymdama aıasynda mynadaı baǵyttarda jumystar atqarylýy kerek.

«Birinshi. Indýstrııa mınıstrligi turǵyn úı saıasatyndaǵy jańa tásilder boıynsha zań jobasynyń barlyq erejelerin Parlament palatalarymen sapaly ári jedel pysyqtaýdy qamtamasyz etsin.

Ekinshi. Indýstrııa mınıstrligi men múddeli memlekettik organdar qajetti derekqorlarmen tolyqqandy ıntegratsııalap, turǵyn úı salasyndaǵy barlyq aqparattyq júıelerdi iske qosý jumystaryn aıaqtasyn.

Úshinshi. Baspanaǵa muqtaj adamdardy turǵyn úımen qamtamasyz etý – asa mańyzdy mindet. Sondyqtan, Indýstrııa mınıstrligi men barlyq óńir ákimderi turǵyn úı jáne ınjenerlik ınfraqurylymnyń josparlanǵan kólemin ýaqytyly iske qosý úshin túbegeıli sharalar qabyldaýy kerek», - dedi Álıhan Smaıylov.

Aıta ketý kerek, Úkimet otyrysynda «7-20-25» baǵdarlamasynyń ornyna jańa ıpotekalyq baǵdarlama iske qosý usynylǵan bolatyn.


Uqsas jańalyqtar

Jańalyqtar

Úrdis

MURAǴAT