Turar Rysqulov aýdanyna jańa ákim taǵaıyndaldy
2022 jylǵy 27 maýsym 14:36

Turar Rysqulov aýdanyna jańa ákim taǵaıyndaldy

TARAZ. QazAqparat – Qazaqstan Respýblıkasy Prezıdenti Ákimshiliginiń jáne aýdandyq máslıxatynyń kelisimimen, Jambyl oblysy ákiminiń ókimimen T. Rysqulov aýdanynyń ákimi bolyp Esirkepov Ernar Serikáliuly taǵaıyndaldy, dep habarlaıdy QazAqparat.

Oblys ákimi Nurjan Nurjigitov aýdan aktıvine jańa ákimdi tanystyryp, jumysyna sáttilik tiledi.

Aımaq basshysy aýdannyń jańa ákimine óńirdiń joǵary áleýetin tıimdi paıdalanyp, ekonomıkasyn arttyrý, ınvestıtsııa tartý, jańa jumys oryndaryn ashý, kásipkerlik, aýyl sharýashylyǵy salasyn damytý boıynsha naqty mindetter júktedi.

Sondaı-aq, halyqtyń turmysyn jaqsartý, keri baılanysty nyǵaıtý, máselelerdi sheshý, qoǵamdyq turaqtylyqty qamtamasyz etý jolynda júıeli jumystar júrgizý kerektigin atap ótti.

Ernar Serikáliuly 1981 jyly Jambyl oblysy T.Rysqulov aýdanynda týǵan.

2003 jyly Qazaq ulttyq agrarlyq ýnıversıtetin «agroónerkásip kesheni kásiporyndaryndaǵy ekonomıka jáne menedjment» mamandyǵy boıynsha támamdaǵan.

Eńbek jolyn 2003 jyly T.Rysqulov aýdany ákimi apparatynyń uıymdastyrý-kadrlyq jáne baqylaý jumysy bóliminiń mamany bolyp bastaǵan.

Ár jyldary T.Rysqulov aýdany ákimdiginiń ekonomıka jáne bıýdjettik josparlaý, káspkerlik bólimderiniń bas mamany, Jambyl oblysy ákimi apparatynyń uıymdastyrý-ınspektorlyq jáne kadrlyq jumys bóliminiń bas mamany, bas ınspektory, qujattama jáne baqylaý bóliminiń basshysy, «Nur Otan» partııasy oblystyq fılıalynyń «Qyzmet» bastaýysh partııa uıymynyń tóraǵasy, oblys ákimdiginiń eńbek ınspektsııasy basqarmasy basshysynyń orynbasary-memlekettik eńbek ınspektory qyzmetterin atqarǵan.

2021 jyldyń qyrkúıek aıynan bastap búgingi kúnge deıin Jambyl oblysy ákimdiginiń eńbek ınspektsııasy basqarmasynyń basshysy - bas memlekettik eńbek ınspektory laýazymynda eńbek etip keldi.


Uqsas jańalyqtar

Jańalyqtar

Úrdis

MURAǴAT