+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Turar Rysqulov - 125: Shymkentte halyqaralyq ǵylymı konferentsııa ótti

2019 jylǵy 12 jeltoqsan 15:23
Bólisińiz:
Turar Rysqulov - 125: Shymkentte halyqaralyq ǵylymı konferentsııa ótti

ShYMKENT. QazAqparat – Shymkenttegi M. Áýezov atyndaǵy OQMÝ-da kórnekti qoǵam jáne memleket qaıratkeri Turar Rysqulovtyń 125 jyldyǵyna arnalǵan halyqaralyq ǵylymı konferentsııa ótti, dep habarlaıdy QazAqparat tilshisi.

Shymkent qalasy ákimdiginiń qoldaýymen uıymdastyrylǵan «Qazaq eliniń umytylmas tulǵalary» atty konferentsııada ataqty ǵalym, qoǵam jáne memleket qaıratkeriniń ómiri men saıası qyzmeti, respýblıkanyń áleýmettik-ekonomıkalyq jaǵdaıyn qalyptastyrý jáne damytý barysyndaǵy eńbekteri tanystyryldy.

Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» atty baǵdarlamalyq maqalalaryn iske asyrý maqsatynda uıymdastyrylǵan shara Shymkenttegi Turar Rysqulovtyń eskertkishine gúl shoǵyn qoıýdan bastaldy. Saltanatty sharaǵa elimizben qatar alys-jaqyn shet memleketterden ǵalymdar men tarıhshylar, el damýyna úles qosqan mártebeli meımandar qatysty. Sondaı-aq, konferentsııaǵa uly tulǵanyń máskeýlik nemeresi Vladımır Rysqulov pen Almaty qalasy men Túlkibas aýdanynda turatyn urpaqtary qatysty.

Jıynda sóz alǵan ǵalymdar Turar Rysqulovtyń qysqa ǵana ǵumyry men jaryq juldyzdaı jarqyn ómirin, Táýelsiz Qazaqstanǵa qaldyrǵan baǵa jetpes baılyǵyn, naǵyz patrıotızm men bolashaq urpaq úshin janqııarlyq kúrestiń úlgisi bolǵan azamattyǵyn baıandady. Qazaqstannyń damýymen qatar Ortalyq Azııa respýblıkalarynyń, Reseı Federatsııasynyń jáne Mońǵolııanyń ekonomıkalyq ósýine, qaryshtap damýyna úlken úles qosqanyn atap ótti.

«Ǵylymı konferentsııanyń maqsaty – Turar Rysqulovtyń beınesine taǵy da bir toqtalý boldy. Onyń bastamasymen elimizde Túrkistan-Sibir ıaǵnı Túrkisib temirjoly salynǵan. Sondaı-aq qýatty óndiristik ortalyqtar Qaraǵandy qalasynyń kómir óndirý jáne metallýrgııa kesheni, Shyǵys jáne Ońtústik Qazaqstannyń tústi metallýrgııasy, Batys Qazaqstannyń munaı-gaz salasy óndiriske engizildi. Qazaqstan men Orta Azııa aýmaǵynda búkilodaqtyq mańyzy bar iri ulttyq qoryqtar uıymdastyryldy»,- deıdi OQMÝ rektory Darııa Qojamjarova.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT