+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Turaqty jumys oryndaryn qurýǵa erekshe nazar aýdarý qajet – Asqar Mamın

2021 jylǵy 27 sáýir 10:27
Bólisińiz:
Turaqty jumys oryndaryn qurýǵa erekshe nazar aýdarý qajet – Asqar Mamın

NUR-SULTAN. QazAqparat – QR Premer-Mınıstri Asqar Mamın halyqty jumyspen qamtý sharalary boıynsha mınıstrlikter men ákimdikterge birqatar tapsyrma berdi, dep habarlaıdy QazAqparat tilshisi.

Uqsas jańalyqtar
«Eńbek» baǵdarlamasy: 400 myńǵa jýyq qazaqstandyq jumysqa turdy Asqar Mamın EO elshilerimen ekonomıkanyń ekologııalyq turaqty damý máselelerin talqylady Asqar Mamın batys óńirindegi iri avtomagıstraldiń rekonstrýktsııa barysyn tekserdi

«Halyqty jumyspen qamtý Úkimettiń mańyzdy mindeti bolyp tabylady. Pandemııany eskere otyryp, keshendi sharalar qabyldandy, onyń ishinde «Eńbek» memlekettik baǵdarlamasynyń quraldary kúsheıtildi, Jumyspen qamtýdyń jol kartasy iske asyryldy. Bıyl Jumyspen qamtýdyń jol kartasy aıasynda turaqty jumys oryndaryn qurýǵa jáne óńirlerdiń áleýmettik ınfraqurylymyn jaqsartýǵa nazar aýdaryldy. Birinshi toqsan boıynsha «Eńbek» baǵdarlamasymen 158 myń adam qamtylǵan. Jyl sońyna deıin 1,2 mıllıon adamǵa jumyspen qamtýǵa járdem kórsetiledi», - dep atap ótti Premer-Mınıstr Úkimettiń búgingi otyrysynda.

Onyń aıtýynsha, naqty jalaqy mólsheri 10 paıyzǵa, ıaǵnı 221 myń teńgege deıin artady dep josparlanyp otyr. Jumyssyzdyq deńgeıi 4,9 paıyzdan aspaıdy.

«Pavlodar, Qaraǵandy jáne Atyraý oblystarynda turaqty jumys oryndaryn qurý jumysynyń qarqyny jaqsy. Ózge óńirlerge de osy baǵyttaǵy jumysty belsendi jalǵastyrý kerek. Ol úshin barlyq quraldar men qajetti resýrstar bar. «Bastaý bıznes» jobasy tıimdiligin kórsetti. Bıyl 30 myń adamdy kásipkerlik negizderine oqytý josparlanyp otyr. «Atameken» palatasy Eńbek mınıstrligimen birlesip, bilim alýshylardyń sanyn kóbeıtsin. «Eńbek» ulttyq jobasy ekonomıka salalaryn sapaly básekege qabiletti eńbek resýrstarymen qamtamasyz etýi tıis», - deıdi A. Mamın.

Osyǵan baılanysty Úkimet basshysy mınıstrlikterge birqatar tapsyrma berdi.

«Birinshi, Eńbek mınıstrligi 1 maýsymǵa deıin 2021-2025 jyldarǵa arnalǵan «Eńbek» ulttyq jobasyn Úkimetke engizsin. Qoldaý sharalaryn nysanaly toptardyń problemalary men qajettilikterin eskere otyryp baǵyttaý kerek. Ekinshi, Ulttyq ekonomıka, Eńbek mınıstrlikteri men ákimdikter 1 shildege deıin jumyspen qamtýdyń óńirlik kartalaryn ázirlesin. Jumyspen qamtýdyń josparly kórsetkishterine qol jetkizýge jáne turaqty jumys oryndaryn qurýǵa erekshe nazar aýdarý qajet. Úshinshi, Eńbek, Qarjy, Ulttyq ekonomıka mınıstrlikteri men óńirlerdiń ákimdikteri «Eńbek» jobasynyń is-sharalaryn qarjylandyrýdy qamtamasyz etsin», - dedi Asqar Mamın.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT