+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Turaqty tirkeýge turyp, áleýmettik aýdarym jasaǵan qandastar 42500 teńge kómek ala alady

2020 jylǵy 4 sáýir 21:33
Bólisińiz:
Turaqty tirkeýge turyp, áleýmettik aýdarym jasaǵan qandastar 42500 teńge kómek ala alady

NUR-SULTAN. QazAqparat - Turǵylyqty mekenjaıy jáne yqtııarhaty bar, turaqty tirkeýge turyp, áleýmettik aýdarym jasaǵan qandastarymyzǵa da (oralmandarǵa) Qazaqstan Respýblıkasynyń azamattarymen birdeı kómek kórsetiledi, dep Dúnıejúzi qazaqtary qaýymdastyǵynyń baspasóz hatshysy Syrymbek Tóleýuly Feısbýk paraqshasynda habarlady.

«Qurmetti qandastar, tolyq aqparat alý úshin bizdiń 1404 nómirdegi Baılanys ortalyǵyna (dúısenbi-juma, saǵat 09:00-18:00) habarlasýǵa bolady nemese suraqtaryńyzdy osy jerde qoıa alasyzdar!

«QR Prezıdentiniń «Áleýmettik-ekonomıkalyq turaqtylyqty qamtamasyz etý jónindegi sharalar týraly» 2020 jylǵy 16 naýryzdaǵy № 286 Jarlyǵyna baılanysty Tótenshe jaǵdaı kezeńinde mindetti áleýmettik saqtandyrý júıesine qatysýshylarǵa jáne nysanaly jumystardy oryndaý (qyzmetterdi kórsetý) bolyp tabylatyn azamattyq-quqyqtyq sıpattaǵy sharttar boıynsha kiris alatyn, salyq agentteri olar úshin mindetti zeınetaqy jarnalaryn tólegen jeke tulǵalarǵa áleýmettik tólemderdi júzege asyrý qaǵıdalaryn bekitý týraly Qazaqstan Respýblıkasy Eńbek jáne áleýmettik qorǵaý mınıstriniń 2020 jylǵy 26 naýryz kúngi № 110 buıryǵynyń 1 taraýdyń 3 tarmaǵynyń 1-5 tarmaqshalary jáne 3 taraýdyń 12 tarmaǵynyń 1-2 tarmaqshalaryna sáıkes kórsetilgen adamdarǵa áleýmettik tólem taǵaıyndaý júzege asyrylady» dep jazdy ol.

Málimetke saı, áleýmettik tólemge ıe bolatyn adamdar 42 500 teńgeni alýǵa ótinishterin eki tásil boıynsha bere alady:

1) Jumys berýshi atynan osy buıryqtyń № 2-qosymshasyn qoldanyp bere alady. Oǵan 1-taraýdyń 3-tarmaǵynyń 1-5-tarmaqshalaryna sáıkes kórsetilgen adamdar jatady;

2) Óz atynan:

a) Osy buıryqtyń № 3-qosymshasyn qoldanyp bere alady. Oǵan 1-taraýdyń 3-tarmaǵynyń 1-5-tarmaqshalaryna sáıkes kórsetilgen adamdar jatady;

b) Osy buıryqtyń № 2-qosymshasyn qoldanyp bere alady. Oǵan 3-taraýdyń 12-tarmaǵynyń 1-2-tarmaqshalaryna sáıkes kórsetilgen adamdar jatady.

Ol úshin azamat óziniń JSN nómirin, jumys berýshiniń BSN nómirin, óz aty-jóni men banktegi IBAN shotyn, sondaı-aq, E-mail mekenjaıyn toltyrýy tıis. Keıin «Azamattarǵa arnalǵan úkimet» memlekettik korporatsııasy» Halyqqa qyzmet kórsetý ortalyqtary ótinishti tekserip, sheshim qabyldaıdy.

Ótinish berýshi óz kezeginde qabyldanǵan sheshimdi SMS arqyly alady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT