Tuńǵysh Prezıdent kúninde qandaı telejobalar kórermenge jol tartady
2021 jylǵy 30 qarasha 19:21

Tuńǵysh Prezıdent kúninde qandaı telejobalar kórermenge jol tartady

NUR-SULTAN. QazAqparat – 1 jeltoqsanda QR Tuńǵysh Prezıdenti kúni merekelenedi. QazAqparat osy aıtýly kúnge arnalǵan jobalardyń sholýyn usynady.

«Habar» telearnasynan «Elbasy. Táýelsizdik shejiresi» atty árqaısysy 30 mınýttyq 15 epızodtan turatyn týyndy qazaq jáne orys tilderinde kórsetiledi.

Bul – Tuńǵysh Prezıdenttiń ár jyldaǵy negizgi bastamalary men jobalaryn kıno tilimen baıandaǵan fılmder toptamasy.

Efırge 29 qarasha men 17 jeltoqsan aralyǵynda shyǵady.

Sondaı-aq, «Habar» telearnasynyń efırine «Táýelsizdik sezimderi» atty derekti serıal jol tartady.

Árqaısysy 40 mınýttyq 6 serııadan turatyn toptama Táýelsiz Qazaqstanda bolǵan tarıhı oqıǵalardy keıipkerlerdiń aýzymen qazaq jáne orys tilderinde baıandaıdy.

Efırge 13-18 jeltoqsan aralyǵynda shyǵady.

Táýelsizdik tańy endi atqan tusta Elbasy Nursultan Nazarbaev syrttaǵy qandastardy elge qaıtarý jóninde bastama kóterdi.

Árqaısysy 40 mınýttyq 12 serııaly «Tumar» telehıkaıasy qandastardyń Qazaqstanǵa qonystaný tarıhynan qazaq jáne orys tilderinde syr shertedi.

Efırge shyǵatyn ýaqyty – «Habar» telearnasy: 29 qarashadan 14 jeltoqsanǵa deıin.

«Bir kúnniń tarıhy» – 30 serııaly derekti fılm. Bul joba arqyly avtor Qazaqstannyń táýelsizdigi jarııalaǵanǵa deıingi jáne keıin 15 kúnniń shejiresin baıandaıdy.

Týyndy Qazaqstan telearnasynyń efırinen 1-30 jeltoqsan aralyǵynda qazaq tilinde kórsetedi. Onyń ár serııasy 3 mınýtqa sozylady.

«Qoǵamdyq kelisim» respýblıkalyq memlekettik mekemesi ázirlegen «Beıbitshilik pen kelisim jolynda» derekti fılmi jas memlekette beıbitshilik pen kelisim saıasatynyń qalyptasýy jáne damý tarıhy týraly málemtter kórsetiledi.

Orys tilinde túsirilgen 5 bólimnen turatyn fılmniń jalpy uzaqtyǵy – 150 mınýt. Efırge 10 jeltoqsannan bastap shyǵady.


Jańalyqtar

Úrdis

MURAǴAT