+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Tuńǵysh Prezıdent kúni Qaraǵandy oblysynyń turǵyndary qonys toıyn toılady

2019 jylǵy 1 jeltoqsan 23:48
Bólisińiz:
Tuńǵysh Prezıdent kúni Qaraǵandy oblysynyń turǵyndary qonys toıyn toılady

QARAǴANDY. QazAqparat - Qaraǵandy oblysynda Qazaqstan Respýblıkasynyń Tuńǵysh Prezıdenti kúni keıbir otbasylar úshin qos mereke boldy. Aýyl turǵyndary men qala turǵyndary kópten kútken páterlerge ıe boldy, dep habarlaıdy QazAqparat tilshisi.

Qaraǵandy oblysynyń ákimi Jeńis Qasymbek 1 jeltoqsanda Temirtaý qalasyna, Elbasynyń eńbek Otanyna keldi. Óńir basshysy qala turǵyndaryn, metallýrgterdi merekesimen quttyqtap, 9 yqshamaýdandaǵy jańa kópqabatty úıdiń kiltin tabys etti. Bul úıde áleýmettik qorǵalatyn sanattardan 50 otbasy jaldamaly turǵyn úı aldy.

Bıylǵy jyly Temirtaýda 95 páter tapsyryldy. Kelesi jyly 150 páterli taǵy úsh úı salynady.

«Tuńǵysh Prezıdent kúni sizderdiń otbasylaryńyz úshin qonys toıyn atap ótken kúnge aınaldy. Táýelsizdik jyldary turǵyn úımen qamtamasyz etýge baǵyttalǵan 10-nan astam memlekettik baǵdarlama quryldy. Olardyń ishinde «Nurly jer», «7-20-25», «Baqytty otbasy», «Qoljetimdi baspana 2020» jáne basqalar bar. Elbasy Temirtaý qalasynyń damýyna árdaıym kóńil bólip, nazar aýdaryp keledi», - dep atap ótti oblys ákimi.

Tuńǵysh Prezıdenttiń tapsyrmasy boıynsha qalada jańa dene shynyqtyrý saýyqtyrý kesheni men aýrýhana salynýda, dedi Jeńis Qasymbek.

Óńir basshysy qonys ıelerine jańa ómirdiń, ıgiliktiń jáne baqyttyń sımvoly bolýyn tiledi.

«Biz 10 jyl turǵyn úı kezeginde turdyq. Mine, búgin bizdiń armanymyz oryndaldy, biz páter aldyq. Buǵan deıin búkil otbasymyzben týysqanymyzdyń úıinde turdyq. 2019 jyl bizdiń otbasy úshin sátti boldy. Januıamyzdyń atynan úlken alǵysymdy bildirip, barlyqtaryńyzdy merekemen quttyqtaǵym keledi», - deıdi Arman Qarynsaý.

«2011 jyldan bastap kezekte turǵan bolatynbyz. Páter jaldap, árdaıym bir úıden ekinshi úıge kóship-qonyp otyrýǵa týra keldi. Biraq qazir bizde óz úıimiz bar, balalardyń óz bólmesi bolady. Men óte qýanyshtymyn», - deıdi kóp balaly ana Olga Salamatova.

Saltanat Qazybaeva - jetim. Búgin ol da óz páteriniń kiltin aldy.

«Úlken rahmet. Men osy sátti 5 jyl kúttim, mine meniń armanym oryndaldy. Barlyqtaryńyzǵa osyndaı qýanysh tileımin», - deıdi Saltanat.

Tuńǵysh Prezıdent kúni qarsańynda Buhar Jyraý, Aqtoǵaı, Abaı jáne Shet aýdandarynda, sondaı-aq Jezqazǵan, Sátbaev jáne Prıozersk qalalarynda páterlerdiń kiltteri tabys etildi. Oblysta jańa áleýmettik nysandar da ashyldy. Shahtınsk qalasynda balabaqsha salyndy. Qaraǵandyda taǵy bir medıtsınalyq ortalyq ashyldy.

Temirtaý mádenıet úıiniń sahnasynda búgin Tuńǵysh Prezıdent kúnine arnalǵan úlken merekelik kontsert ótti. Kórermender úshin qazaqstandyq estrada juldyzdary men Qalı Baıjanov atyndaǵy Qaraǵandy kontserttik birlestiginiń ártisteri óner kórsetti. Al merekelik saltanattyń basty qonaǵy ánshi Erjan Maksım boldy.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT