Tuman, kóktaıǵaq, burqasyn: 28 qarasha kúngi aýa raıy
2021 jylǵy 28 qarasha 01:12

Tuman, kóktaıǵaq, burqasyn: 28 qarasha kúngi aýa raıy

NUR-SULTAN. QazAqparat – 28 qarashada aýqymdy antıtsıklon áserinen respýblıkanyń basym bóliginde jaýyn-shashynsyz aýa raıy kútiledi. Elimizdiń tek qıyr batysynda qar men jańbyr jaýady. Sonymen qatar Qazaqstan boıynsha tuman, kóktaıǵaq, ekpindi jel kútiledi, soltústikte jaıaý burqasyn bolady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, Almaty oblysynyń Alakól mańynda jel 23-28 m/s deıin kúsheıedi, túnde jáne tańerteń oblystyń soltústiginde tuman túsedi.

Túrkistan oblysynyń taýly aýdandarynda 15-20 m/s kúshpen jel soǵady, túnde jáne tańerteń tuman bolady.

Batys Qazaqstan oblysynyń batysynda jáne soltústik-batysynda tuman, kóktaıǵaq kútiledi, kúndiz jel 15-20 m/s deıin kúsheıedi.

Túnde Aqmola oblysynyń soltústiginde jáne shyǵysynda jel 15-20 m/s deıin kúsheıip, jaıaý burqasyn soǵady.

Soltústik Qazaqstan oblysynyń ońtústik-batysynda tuman bolady, túnde jel 15-20 m/s ekpinmen soǵady.

Túnde Pavlodar oblysynyń soltústiginde jáne shyǵysynda jeldiń kúshi 15-20 m/s artady, jaıaý burqasyn júredi.

Qyzylorda oblysynyń ortalyǵynda, kúndiz Qaraǵandy oblysynyń ońtústiginde jel 15-20 m/s deıin kúsheıedi.

Jambyl oblysynyń taýly aýdandarynda tuman túsip, jel 15-20, ekpini 23-28 m/s deıin kúsheıedi.

Qostanaı oblysynyń soltústiginde tuman, jaıaý burqasyn bolady, jel 15-20 m/s soǵady.


Uqsas jańalyqtar

Jańalyqtar

Úrdis

MURAǴAT