+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Tulpar minip, tý alǵan: Qobylandy batyr jyryn jattaǵan oqýshy mıllıoner boldy

2019 jylǵy 19 qazan 18:46
Bólisińiz:
Tulpar minip, tý alǵan: Qobylandy batyr jyryn jattaǵan oqýshy mıllıoner boldy

AQTÓBE. QazAqparat - Aqtóbede «Qazaq Epos» respýblıkalyq aǵartý jobasynyń «Tulpar minip, tý alǵan!» baıqaýy aıaqtaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Uqsas jańalyqtar
Dáýren Abaev daryndy oqýshylardy atady Aqtóbelik oqýshylar jedel qyzmet kórsetýge arnalǵan mobıldi qosymshany menshiktep aldy Pavlodar oblysynda 1-4 synyptarǵa tegin ystyq tamaq beriledi

«Qazaq Epos» respýblıkalyq aǵartý jobasy «Tulpar minip, tý alǵan!» baıqaýynyń oblystyq kezeńi aıaqtaldy. Elbasy N.Á. Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalarynyń aıasynda ótken sharaǵa oblys ákimi Ońdasyn Orazalın qatysyp, baıqaý jeńimpazdary men qatysýshylardy quttyqtady.


«Rýhanı jańǵyrý» baǵdarlamasy Aqtóbe oblysynyń damýyna serpin berip, qoǵam talabymen úılesim tapty. Onyń bir dáleli - «Tulpar minip, tý alǵan!» baıqaýy. Bul baıqaýdyń aqtóbelik balalar arasynda keń qoldaý tabýynda da erekshe mán bar. Sebebi Aqtóbe jeri – batyrlar mekeni. Tarıhta óshpes iz qaldyrǵan qos Eset batyr, Qobylandy men Bókenbaı, shyǵys juldyzy atanǵan batyr qyz Álııa Moldaǵulova – Aqtóbeniń maqtanyshtary. Mundaı ulylar mekeninde dúnıege kelgen balalardyń batyrlar jyryna qyzyqpaýy múmkin emes. Baıqaý arqyly ata-babamyzdyń tárbıe tásili qaıta jańǵyryp jatyr. Sondyqtan bala tárbıeleýde batyrlar jyryn oqytý qaıta qolǵa alynyp, qaıta jańǵyrtylýy ıgi bastama. Biz tek atadan qalǵan syrly sózder men rýhanı úlgimen ǵana rýhanı túlep, sanaly túrde jańǵyramyz. «Tulpar minip, tý alǵan!» sekildi jobalar arqyly baı muramyzdy boıyna sińirgen, ulttyq rýhy myqty urpaq ósip-ónedi», - dep atap ótti aımaq basshysy. Ońdasyn Orazalın baıqaý jeńimpazdaryna jáne olardyń jetekshilerine qarjylaı syılyq tabys etti.

1-oryn alǵan Alǵa aýdany № 3 Alǵa orta mektebinen 10-synyp oqýshysy Muraǵat Bekenovke 1 000 000 teńge jáne onyń jetekshisi Baqtygúl Qoıshyǵulovaǵa 2 000 000 teńge, 2-oryndy ıelengen Aqtóbe qalasynan №21 mekteptiń 6-synyp oqýshysy Amıra Sábıtova 600 myń teńgege, onyń jetekshisi Roza Baekeshovaǵa 1,2 mıllıon teńgeniń sertıfıkaty berildi. 3-orynǵa Hromtaý aýdanynan kelken Raýan Amangeldi qol jetkizdi. №5 mektep gımnazııasynyń 8-synyp oqýshysy 300 myń teńgege ıe boldy. Jetekshisi Torǵyn Januzaqovaǵa 600 myń teńgeniń sertıfıkaty berildi. Atalǵan jeńimpazdar Aqtóbe oblysy ákiminiń dıplomymen marapattaldy.

Aıta keteıik, baıqaýǵa qatysýǵa respýblıka boıynsha 5621 mekteptiń 51 328 oqýshysy men 23 128 muǵalim qatyssa, Aqtóbe óńirinen 2311 oqýshy jáne olardy daıyndaǵan 979 muǵalim qatysty. Olardyń ishinde 28-i túrli etnos ókili. Birinshi oryn alǵan oqýshy keler jyly Nur-Sultan qalasynda ótetin respýblıkalyq baıqaýǵa qatysady.








Bizdiń kanalymyzǵa jazylyńyz:

Basty sózder: Aqtóbe oblysy, Mádenıet, Ádebıet,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT