+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Týberkýlezdi eki saǵatta anyqtaýǵa bolady

2020 jylǵy 24 aqpan 13:17
Bólisińiz:
Týberkýlezdi eki saǵatta anyqtaýǵa bolady

ALMATY. QazAqparat – Týberkýlez eki saǵatta anyqtalady. Bul týraly QR DSM «Ulttyq ftızıopýlmonologııa ortalyǵy» MM dırektory Málik Ádenov baspasóz máslıhaty barysynda málim etti, dep habarlaıdy QazAqparat tilshisi.

Mamandardyń aıtýynsha, Qazaqstanda týberkýlez aýrýy boıynsha turaqty epıdemıologııalyq jaǵdaı baıqalady. Sońǵy 10 jylda bul dert úsh esege tómendegen: 2009 jyly bul kórsetkish 100 myń adamǵa –105,3 bolsa, 2019 jyly 100 myń adamǵa shaqqanda – 45,6 boldy.

«2019 jyldyń qorytyndysy boıynsha dıspanserlik esepte belsendi týberkýlezben 13 894 adam tur, bul 2018 jylǵa qaraǵanda 813 adamǵa az. Qazirgi ýaqytta týberkýlezben kúres 2014-2020 jyldarǵa arnalǵan keshendi jospar sheńberinde iske asyrylýda»,– deıdi QR DSM «Ulttyq ftızıopýlmonologııa ortalyǵy» MM dırektory Málik Ádenov.

Qazaqstanda týberkýlezdiń aldyn alý, dıagnostıka jasaý jáne emdeý tegin. Ol memleket tarapynan qarjylandyrylady. Sondaı-aq, týberkýlezdi erte anyqtaý úshin bastapqy medıtsınalyq-sanıtarlyq kómek (BMSK) jelisinde halyqaralyq standarttarǵa sáıkes keletin dıagnostıkanyń eń zamanaýı ádisteri engizilgen.

«Elimizde týberkýlezben aýratyn naýqastardy emdeýdiń tıimdiligi álem boıynsha eń joǵary deńgeıde. Búginde Dúnıejúzilik densaýlyq saqtaý uıymy usynǵan jańa preparattar qoldanylýda. Sonyń arqasynda 2 saǵat ishinde kóptegen dárige tózimdiligi bar mıkrobakterııalar men týberkýlezdi anyqtaýǵa bolady. Olardyń arasynda qysqa merzimde qurt aýrýyn emdeýge múmkindik beretin arnaıy kesteler bar»,– dedi Málik Ádenov.

Resmı derek boıynsha, álemde jyl saıyn týberkýlezden 1,7 mln adam kóz jumady. Al, 10 mln-nan astam adam qurt aýrýyna shaldyǵady eken.


Bizdiń kanalymyzǵa jazylyńyz:

Basty sózder: Almaty, Medıtsına,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT