+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Transtelekom 17 myń shaqyrymdyq ınternet jelisin tartty

2019 jylǵy 20 qarasha 14:01
Bólisińiz:
Transtelekom 17 myń shaqyrymdyq ınternet jelisin tartty

NUR-SULTAN. QazAqparat – «Transtelekom» AQ sońǵy 20 jyl ishinde 17 myń shaqyrymdyq ınternet jelini tartty, dep habarlaıdy QazAqparat tilshisi.

Temirjol salasy úshin ıntellektýaldy júıeni qalyptastyrý maqsatynda «TTC» brendimen tanymal «Transtelekom» postkeńestik keńistikte alǵash ret «Qazaqstan temir joly» kompanııasy úshin «Jetekkúsh energetıkalyq dıspetcher bólmesi» jáne «Magıstral» avtomatty basqarý júıelerin iske qosty. Olar bıznes-protsesterge, energııa men eńbek resýrstaryn únemdeýge oń áser etip, óndiriske ońtaıly sheshimder qabyldaýǵa múmkindik berdi.




Qyzmetterdi ártaraptandyrýdyń arqasynda «Transtelekom» búgingi kúni salalyq baǵytty eńserip, IT salasyndaǵy telekommýnıkatsııa jáne júıelik ıntegratsııa naryǵynda eń iri provaıderlardyń biri bolyp otyr. TTC kompanııasy – el ekonomıkasynyń damýdyń túbegeıli jańa jolyna ótýine jáne tsıfrlyq teńsizdikti joıýǵa yqpal etetin «Tsıfrlyq Qazaqstan» memlekettik baǵdarlamasynyń belsendi qatysýshysy ekenin atap ótýge bolady.

20 jyl ishinde «Transtelekom» 17 myń shaqyrymdyq talshyqty-optıkalyq jeli tartyp, shalǵaı aýyldar men stantsııalardy keń jolaqty ınternetpen qamtamasyz etti. Osynyń nátıjesinde mektepter, dıspanserler, aýyldyq ákimdikter jáne bıznes úshin jańa perspektıvalar ashyldy. Úıden shyqpaı-aq adamdarǵa qyzmet alýǵa múmkindik bar.

TTS kompanııasy sheteldik operatorlarmen jyldamdyǵy joǵary shekaralyq ótkelderdi qurý jáne mańyzdy aqparattyq-kommýnıkatsııalyq ınfraqurylymdyńq nysandardyń kıberqaýipsizdigin qamtamasyz etý boıynsha yntymaqtastyqty damytyp jatyr. TTC Qazaqstanda alǵashqy bolyp SOC aqparattyq qaýipsizdik monıtorıngi ortalyǵyn qurǵan. Sol sekildi, «Bir beldeý – bir jol» baǵdarlamasynyń bastaýshysy Qytaı, Ortalyq Azııa elderi men Eýropa arasyndaǵy kommýnıkatsııalar men logıstıkany damytýdyń ǵalamdyq jobasy aıasynda TTS «KazTransCom» AQ-men birlesip Qytaımen shekaralas aýmaqtan Kaspıı teńizine deıin 3 648 shaqyrymdyq baılanys jelisin saldy. Odan ári talshyqty-optıkalyq kabel jelisi Kaspıı teńiziniń túbimen Qazaqstannan Ázerbaıjanǵa ótedi. Bul jobaǵa «Transtelekom» kompanııasy da qatysýda.

Respýblıkadaǵy tsıfrlyq transformatsııa protsesiniń belsendi qatysýshysy retinde TTS kompanııasynyń zııatkerlik «keısiniń» sapaly mazmunyna kóńil bóledi. Onyń ónimderi, qyzmetteri jáne IT sheshimderi ózekti jáne aqparattyq tehnologııalar naryǵynda suranysqa ıe. «Transtelekom» AQ adamı kapıtaldyń qunyn arttyrý baǵytynda únemi jumys júrgizedi. Kompanııanyń korporatıvti mádenıeti qyzmetkerlerdiń eń jaqsy kásiptik jáne iskerlik qasıetterin sezinýge, bastamalar men bızneske shyǵarmashylyq kózqarasty damytýǵa baǵyttalǵan.

Eske salsaq, jaqynda ǵana QR Premer-Mınıstri Asqar Mamın men Ázerbaıjan Premer-Mınıstri Alı Asadov Aqtaý qalasynda ótken Kaspıı teńiziniń túbinde eki el arasyndaǵy baılanystyń talshyqty-optıkalyq jelisin (TOBJ) salý boıynsha «Trans Caspian Fiber Optic» (TCFO) salýdy bastaý rásimine qatysqan bolatyn. Joba transqurlyqtyq bola otyryp, Eýropa men Azııa arasyndaǵy tsıfrlyq telekommýnıkatsııalyq dálizdi qurady. Kaspıı teńiziniń túbinde uzyndyǵy 380-400 shaqyrymǵa jýyq bolatyn kabel tartý jumystaryn «Transtelekom» AQ, «KazTransCom» AQ jáne «AzerTelecom» ázerbaıjan baılanys operatory júzege asyrady. TOBJ 2021 jyldyń sońyna qaraı paıdalanýǵa beriledi, ol keminde 4-6 terabıt/s syıymdylyqpen aqparattardy jetkizýge múmkindik beredi.

«Trans Caspian Fiber Optic» birlesken jobasy derekterdi berýdiń jyldamdyǵy joǵary jáne qorǵalǵan ınfraqurylymyn damytýdyń joǵary deńgeıine shyǵýǵa, jetekshi Eýropa-Azııa magıstraldy baǵyttarynyń qataryna kirýge jáne álemdik derekter tranzıtinde laıyqty oryn alýǵa múmkindik bergeli otyr.

Bizdiń kanalymyzǵa jazylyńyz:

Basty sózder: Internet, Tsıfrlyq Qazaqstan,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT