Toıhanada qyz uzatý toıyn jasaǵan Qazaly turǵyny jazalandy

QAZALY. QazAqparat - Qyzylorda oblysy Qazaly aýdanynda meıramhanada qyz uzatý toıyn jasaǵan turǵyn jazaǵa tartyldy, dep habarlaıdy QazAqparat tilshisi.

Uqsas jańalyqtar

Astanada karantın kezinde qyz uzatyp, týǵan kún toılaǵandar anyqtaldy

Aýdan ákimi baspasóz qyzmetiniń habarlaýynsha, qazir Qazalyda mobıldi top músheleri tótenshe jaǵdaı kezinde turǵyndarǵa adam kóp jınalatyn jerge barmaý, toı-jıyn ótkizbeý jóninde túsindirme jumysyn kúndelikti júrgizýde. Soǵan qaramastan aýlasynda toı jasaý, meıramhanada qyz uzatý jaǵdaıy kezdesken. Olar tıisti jazaǵa tartyldy.

Oblystyq polıtsııa departamentiniń málimetine súıensek, Syr óńirinde 15 naýryzdan bastap osy maqsatta jergilikti atqarýshy organdarmen birlese otyryp reıd júrgizilýde.

Reıd barysynda jarǵymen bekitilgen shekteýdi saqtamaı kelgen 34 kásipker, tótenshe jaǵdaı rejımin buzyp quqyq buzýshylyq jasaǵany anyqtaldy. Búgingi kúnge quqyq buzǵandarǵa qatysty 20 ákimshilik is sotpen onlaın túrde qaralyp, onyń ishinde 16-syna 10 AEK mólsherinde aıyppul salynyp, tórteýi ákimshilik qamaqqa alyndy.

Budan buryn Qyzylordada aýlasynda toı jasaǵan turǵyn jazalanǵan bolatyn.