+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Tótenshe jaǵdaılar mınıstri sýburqaqtan balalardy qutqarǵan stýdentti marapattady

2021 jylǵy 24 maýsym 17:24
Bólisińiz:
Tótenshe jaǵdaılar mınıstri sýburqaqtan balalardy qutqarǵan stýdentti marapattady

NUR-SULTAN. QazAqparat – Almaty fontanynda toq soqqan balalardy qutqarǵan Sátbaev atyndaǵy Qazaq ulttyq tehnıkalyq zertteý ýnıversıtetiniń 2-kýrs stýdenti Abylaı Balapanov QR Tótenshe jaǵdaılar mınıstri ıÝrıı Ilınniń buıryǵymen «Tótenshe jaǵdaıdaǵy erligi úshin» tósbelgisimen marapattaldy, dep habarlaıdy QazAqparat.

Marapatty QR Tótenshe jaǵdaılar birinshi vıtse-mınıstri Ibragım Kúlshimbaev tabystady.

«Tótenshe jaǵdaılar mınıstriniń atynan sizge belsendi azamattyq ustanymyńyz úshin rızashylyǵymdy bildiremin! Siz – búgingi kúnniń batyry ataǵyna laıyqtysyz. Syn saǵatta ekiniń biri siz sııaqty adam ómirin saqtaýmen qatar, óz ómirin qaýipke tigip, jedel sheshim qabyldaı almaıtyn edi», - dedi birinshi vıtse-mınıstr.

Eske sala keteıik, Almatyda 19 maýsym kúni Abylaı sýburqaqtyń janyndaǵy oryndyqta kitap oqyp otyrǵan bolatyn. Aıǵaı-shý men kómek suraǵan daýystardy estigen jas jigit fontan ishinde toq uryp jatqan adamdardy kórdi. Óz ómiri men densaýlyǵyna qaýip tóngenine qaramastan, Abylaı esh oılanbastan adamdardy qutqarýǵa kirisken. Onyń aıtýynsha, eki adamdy qutqarý kezinde ózin de elektr toǵy qatty soqqan. Stýdent óz-ózine kelip esin jıǵansha, sol mańda kezdeısoq bolǵan 40-45 jastaǵy belgisiz er adam taǵy bir qyzdy qutqaryp qalǵan.

Sý burqaqta oryn alǵan oqys jaǵdaıda zardap shekkenderge reanımatsııalyq sharalar jasaý úshin (júrekke janama massaj jáne jasandy tynys alý) oqıǵa ornynda bolǵan qalanyń janashyr turǵyndary da atsalysyp, kómek bergen.

Abylaı Balapanov pen aty-jóni belgisiz er adamnyń, sondaı-aq oqıǵa ornynda bolǵan qaıyrymdy jandardyń batyl áreketiniń arqasynda úsh adamnyń ómiri qutqaryldy.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT