+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Tótenshe jaǵdaı jónindegi memkomıssııanyń otyrysy: Qandaı tapsyrmalar júkteldi

2020 jylǵy 16 naýryz 17:24
Bólisińiz:
Tótenshe jaǵdaı jónindegi memkomıssııanyń otyrysy: Qandaı tapsyrmalar júkteldi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń alǵashqy otyrysy ótti, dep habarlaıdy QazAqparat primeminister.kz saıtyna silteme jasap.

Qazaqstanda koronavırýs ınfektsııasynyń odan ári taralýyna jol bermeý sharalary týraly Densaýlyq saqtaý mınıstri Eljan Birtanov, ekonomıkany turaqtandyrý týraly Ulttyq ekonomıka mınıstri Rýslan Dálenov, iri saýda nysandarynyń jumysyn shekteýge qatysty jaǵdaı men áleýmettik mańyzy bar taýarlardyń baǵasy, óńirlerdegi ahýal týraly Saýda jáne ıntegratsııa mınıstri Baqyt Sultanov, kólik salasy týraly ındýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev, qoǵamdyq qaýipsizdikti qamtamasyz etý týraly Іshki ister mınıstri Erlan Turǵymbaev, aqparat jáne baılanys salasyndaǵy jaǵdaı týraly Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev, bilim berý salasyndaǵy ahýal týraly Bilim jáne ǵylym mınıstri Ashat Aımaǵambetov, qarjylyq turaqtylyqty qamtamasyz etý týraly QR Qarjy naryǵyn retteý jáne damytý agenttiginiń tóraǵasy Madına Ábilqasymova jáne Ulttyq bank tóraǵasy Erbolat Dosaev baıandady.

Oblys ákimderi men respýblıkalyq mańyzy bar qalalardyń ákimderi koronavırýstyń taralýyna jol bermeý jáne óńirlerde áleýmettik-ekonomıkalyq turaqtylyqty qamtamasyz etý boıynsha qabyldanyp jatqan sharalar týraly baıandady.


Úkimet basshysy barlyq uıymdar men nysandarda epıdemııaǵa qarsy sanıtarlyq sharalar ótkizý, dárihanalar jelisin dári-dármektermen jáne jeke qorǵanysh quraldarymen qamtamasyz etý boıynsha sharalardy kúsheıtýdi tapsyrdy.

Іshki ister mınıstrligi men arnaıy memlekettik organdarǵa koronavırýstyń taralýymen kúresýge tartylǵan medıtsınalyq jáne karantındik nysandardy qorǵaýdy kúsheıtý júkteldi.

«Saýda jáne ıntegratsııa mınıstrligi iri saýda jelilerimen jáne azyq-túlik taýarlarynyń jetkizýshilerimen, sondaı-aq ákimdiktermen barlyq qajetti ónimder men alǵashqy qajettilik taýarlaryn úzdiksiz qamtamasyz etý máselesin pysyqtaýy tıis», — dedi A. Mamın.

Premer-Mınıstr Tsıfrlyq damý, ınnovatsııalar jáne aeroǵarysh ónerkásibi mınıstrligine joǵary jyldamdyqty ınternettiń jumys isteýi men qyzmetterdi barynsha elektrondy túrde kórsetýdi qamtamasyz etýdi jáne qashyqtyqtan jumys isteý rejımine kóshýdi yntalandyrýdy tapsyrdy.

«Ákimder Memleket basshysynyń Tótenshe jaǵdaıdy engizý týraly Jarlyǵyna sáıkes jergilikti jerlerde tyıym salynǵan jáne shekteý qoıylǵan sharalardy iske asyrýdy jeke baqylaýǵa alýy tıis. Barlyq azamattarǵa eldegi turaqty jaǵdaıdy saqtaý jáne Qazaqstanda koronavırýstyń taralýyn boldyrmaý úshin barynsha kúsh salý qajet», — dep túıindedi A. Mamın.


Bizdiń kanalymyzǵa jazylyńyz:

Basty sózder: QR Úkimeti, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT