+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Tótenshe jaǵdaı kezinde Petropavldaǵy kásiporynnyń qurǵaq tańǵy asyna suranys artty

2020 jylǵy 3 sáýir 14:41
Bólisińiz:
Tótenshe jaǵdaı kezinde Petropavldaǵy kásiporynnyń qurǵaq tańǵy asyna suranys artty

PETROPAVL. QazAqparat – Petropavldaǵy «Radýga» JShS qurǵaq tańǵy asyna suranys artty. Bul ónim muqtaj jandarǵa arnalǵan azyq-túlik paketine engen, dep habarlaıdy QazAqparat tilshisi.

Petropavldaǵy «Radýga» JShS elimizdegi kópsalaly, iri kásiporyndardyń biri. Polımerden kúndelikti turmysqa qajetti buıymdar, turmystyq hımııa men gıgıenalyq zattar jáne azyq-túlik ónimderin shyǵarady.

Kásiporynnyń bas tehnology Ekaterına Asaenoktyń aıtýynsha, zaýyttyń qurǵaq tańǵy as pen júgeri qaýyzyn shyǵaratyn úsh jelisi bar. Bir aýysymda 10 tonna ónim óndiredi. Qurǵaq tańǵy asty ázirleýde 80 adam eńbek etse, jalpy azyq-túlik óndirisinde 250 adam jumys isteıdi. Kompanııa jalpy azyq-túlik óniminiń 100 shaqty túrin shyǵarady. Saýda oryndaryna aı saıyn 800 tonna ónim jetkizedi.

«Eldegi tótenshe jaǵdaıǵa jáne Petropavldyń karantınge jabylýyna baılanysty jumys kúni qysqartylyp jatyr. Keı qyzmetkerlerimiz kestege saı kezekti eńbek demalysyna ketti. Qaýipti indettiń taralmaýy úshin kásiporynda birqatar is-shara qabyldandy. Qyzmetkerlerimiz maska, qolǵaptarmen, antıseptıktermen qamtyldy. Jumys oryndarynda dıspenserler ornatylǵan. Zaýytqa mamandar dárigerlerdiń tekserisinen keıin, zararsyzdandyrylyp baryp kiredi. Tsehtar ár eki saǵat saıyn dezınfektsııalanady», - deıdi Ekaterına Asaenok.

Kompanııanyń elimizde 10 fılıaly jumys isteıdi. Respýblıka boıynsha dıstrıbıýtorlyq jelisi bar. Ónimdi shyǵarýǵa qajet shıkizatty Qazaqstannan bólek shetelden, sonyń ishinde Reseıden alady. Rosselhoznadzordyń aýmaqtyq basqarmalary júgeri unyna karantındik sertıfıkattardy berýdi ýaqytsha toqtatýyna baılanysty, áriptes fırmalar shıkizatty jetkize almaı otyr.

«Júgeri unynan jasalatyn tańǵy qurǵaq as elimizde ǵana satylyp qoımaı, Reseıge de eksporttalady. Eldegi tótenshe jaǵdaıǵa baılanysty bul ónimge suranys 30% artty. Ol uzaq saqtalady, ári bul ónim túri muqtaj jandarǵa beriletin azyq-túlik tizimine engen. Ońtústik óńirlerden tapsyrystar túsip jatyr», - deıdi kásiporynnyń bas tehnology.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT