Tótenshe jaǵdaı kezinde múgedektigi bar 11 myń adamǵa járdemaqy tóleý avtomatty túrde uzartyldy
2022 jylǵy 18 qańtar 14:56

Tótenshe jaǵdaı kezinde múgedektigi bar 11 myń adamǵa járdemaqy tóleý avtomatty túrde uzartyldy

NUR-SULTAN. QazAqparat - Tótenshe jaǵdaı kezinde 11,4 myńnan astam múgedektigi bar adamǵa tólemder avtomatty túrde uzartyldy, dep habarlaıdy QazAqparat.

Qazaqstanda TJ rejıminiń engizilýine baılanysty QR Eńbek jáne halyqty áleýmettik qorǵaý mınıstrligi 2021 jylǵy 5 jeltoqsannan bastap 2022 jylǵy 19 qańtarǵa deıingi kezeńde múgedektikti qaıta kýálandyrý merzimi bastalǵan azamattar úshin múgedektigi boıynsha memlekettik járdemaqy tóleý avtomatty túrde uzartyldy.

Atalǵan shara 11 411 múgedek tigi bar adamdy qamtıdy.

Sondaı-aq, tólemderdi uzartý múgedek balalarǵa jáne I toptaǵy múgedekterge kútim jasaıtyn 3 089 adamdy qamtıdy.

Sonymen qatar, Qazaqstanda 2021 jylǵy 5 jeltoqsannan bastap aǵymdaǵy jylǵy 19 qańtarǵa deıingi kezeńde kámeletke tolǵan 18 jasqa deıingi múgedek balalarǵa kútim jasaýdy júzege asyratyn 373 járdemaqy alýshy bar.

Budan basqa, bazalyq jáne yntymaqty zeınetaqy tólemderin, memlekettik áleýmettik járdemaqyny, memlekettik arnaıy járdemaqyny, Memlekettik áleýmettik saqtandyrý qorynan tólenetin áleýmettik tólemderdi taǵaıyndaýǵa quqyǵy bar jáne tólemderdi taǵaıyndaýǵa ýaqytynda ótinish jasap úlgermegen azamattarǵa Eńbekmıni TJ rejımi qoldanylatyn kezeńde jáne ol aıaqtalǵannan keıin bir aı ishinde ótinish berý múmkindigin berdi.

Kórsetilgen tólemderdi taǵaıyndaý taǵaıyndaý úshin negizder týyndaǵan kúnnen bastap júzege asyrylatyn bolady.

Esterińizge sala ketsek, 2020 jyly da tótenshe jaǵdaı rejımi men shekteý sharalary kezeńinde zeınetaqy men járdemaqy taǵaıyndaýǵa quqyǵy bar tulǵalarǵa qajetti qujattardyń skan-kóshirmelerin qosa bere otyryp, elektrondy úkimet portalyndaǵy elektrondyq ótinishter servısi arqyly ótinish berý múmkindigi berilgen bolatyn.

Budan basqa, shekteýler qoldanylǵan kezeńde qaıta kýálandyrý merzimi bastalǵan múgedek adamdarǵa múgedektigi boıynsha memlekettik járdemaqylardy tóleý avtomatty túrde uzartyldy.


Jańalyqtar

MURAǴAT