Tótenshe jaǵdaı kezinde 2,6 myńnan astam qazaqstandyq medıtsınalyq kómekke júgindi
2022 jylǵy 27 naýryz 12:38

Tótenshe jaǵdaı kezinde 2,6 myńnan astam qazaqstandyq medıtsınalyq kómekke júgindi

NUR-SULTAN. QazAqparat - QR Premer-Mınıstri Álıhan Smaıylov tótenshe jaǵdaı kezinde zardap shekkenderge medıtsınalyq kómek kórsetý týraly aıtty, dep habarlaıdy QazAqparat tilshisi.

«Tótenshe jaǵdaı kezinde 2022 jyldyń qańtarynda Densaýlyq saqtaý mınıstrligi táýlik boıy jumys isteıtin Respýblıkalyq jedel shtab qurdy (Densaýlyq saqtaý mınıstriniń mindetin atqarýshynyń 2022 jylǵy 5 qańtardaǵy 2 buıryǵymen bekitilgen). Turaqty negizde el turǵyndaryna medıtsınalyq kómek kórsetý, dárilik zattarmen jáne medıtsınalyq buıymdarmen qamtamasyz etý monıtorıngi júrgizildi. Tótenshe jaǵdaı kezinde medıtsınalyq uıymdar dári-dármektermen jáne qan komponentterimen tolyq kólemde qamtamasyz etildi», - dep jazdy Álıhan Smaıylov depýtattyq saýalǵa bergen jaýabynda.

Úkimet basshysynyń aıtýynsha, TJ engizilgen sátten bastap 2 678 zardap shekken adam medıtsınalyq kómekke júgingen, onyń ishinde 1 815 – i ambýlatorııalyq kómek.

«Bıyl qańtarda Almaty qalasynyń statsıonarlaryna josparly emdeýge jatqyzý sanyn taldaý 2021 jyldyń qańtarymen salystyrǵanda onyń 12% - ǵa tómendegenin kórsetedi. Densaýlyq saqtaý nysandaryna 20 shabýyl jasaldy. (5 statsıonar, 1 MSAK jáne 14 dárihana, barlyǵy Almaty qalasynda ornalasqan), 7 medıtsına qyzmetkeri zardap shekti (5 Almaty qalasynda, 1 Shymkent qalasynda jáne Almaty oblysynda) jáne 4 óńirde 45 jedel medıtsınalyq kómek avtomashınasy (Almaty qalasynda - 31, Almaty qalasynda). Shymkent-7, Almaty oblysy - 5, Jambyl oblysy - 2)», - deıdi Premer-Mınıstr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT