+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Tóregeldi Sharmanov qymyzdyń tórt ereksheligin aıtty

2020 jylǵy 12 shilde 11:07
Bólisińiz:
Tóregeldi Sharmanov qymyzdyń tórt ereksheligin aıtty

NUR-SULTAN. QazAqparat - Holesterın bar eken dep, qoı etinen bas tartý – qatelik. Medıtsına ǵylymdarynyń doktory, akademık Tóregeldi Sharmanov koronavırýs ınfektsııasynyń aldyn alý jóninde keńes berdi. Bul týraly QazAqparat Ortalyq Qazaqstan saıtyna silteme jasap habarlaıdy.

«Qoı eti – qorǵasyn» degen sóz bar. Biraq, holesterın bar eken dep, qoı etinen bas tartý – qatelik. Ár adamnyń aǵzasynda tutynǵan taǵamnyń quramyn retteýshi mehanızm bar jáne ol úzdiksiz jumys isteıdi», - deıdi Tóregeldi Sharmanov.

Onyń aıtýynsha, jylqy etiniń keremeti sol, onyń sińimdiligi – qoı men sıyr etinen qaraǵanda 3 ese jyldam.

«Atam qazaqtyń «Jylqy eti – tósegińe jatqansha, sıyr eti – bozaryp tań atqansha, qoıdyń eti – kelesi kún batqansha» degen qanatty sóz bar. Mine, ár ettiń ereksheligin osydan-aq ańǵarýǵa bolady», - deıdi ol.

Onyń aıtýynsha, naýqas adamnyń asqa tábeti bolmaýy múmkin.

«Ondaı jaǵdaıda, qurt qosylǵan sorpany ózin-ózi qınasa da, ishýge týra keledi. Aǵzanyń qorǵanys qabiletin arttyrý úshin barynsha qunarly taǵam tutyný qajet. Ol – jylqy eti, ol – qoı eti, ol – balyq eti, ol – kókónis. Qymyz ben qurt qosylǵan sorpany qaıtalap aıtamyn. Ásirese, qymyz – S dárýmenine óte baı sýsyn. Al, jylqy etiniń qunary – bekire balyqtyń etimen deńgeıles. Dámi odan da asyp túsedi. Qoıdyń eti qorǵasyn eken dep, odan da qol úzýge bolmaıdy. Meılinshe, suıyq taǵamdy kóbirek ishý kerek», - deıdi ǵalym.

Onyń aıtýynsha, qymyzdy ysytyp ishý - durys emes.

«Qymyzdyń quramynda myń san dárýmen bar. Onyń eń basty tórt ereksheligine toqtalsaq, birinshiden – qymyz quramyndaǵy aqýyzdyń «albýmındik» sińimdi, názik tabıǵaty, ekinshiden – onyń quramynda transmaı qyshqyly joq. Bul maıdyń aǵzaǵa zııany óte kóp. Úshinshi ereksheligi – qymyz tabıǵı antıbıotık. Tórtinshi qasıeti – ashytý protsesi barysynda paıda bolatyn vırýstar men bakterııalardy joıýǵa qabiletti askorbın qyshqylyna (S dárýmeni) óte baı», - deıdi ol.

Bireý aıtty eken dep, qymyzdy ysytyp ishýge bolmaıdy. Eger, olaı jasaıtyn bolsaq, qymyzdyń quramyndaǵy men aıtyp otyrǵan dárýmenniń barlyǵy joıylyp ketedi.

«Eń durysy – qymyzdy bólme temperatýrasynda ishý. Qymyzdy tońazytqyshqa qoıyp, salqyndatýǵa da bolmaıdy. Bıeniń sútin saýylǵan bette jylydaı ishýge bolady», - deıdi taǵamtanýshy.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT