Tomırıs Baısafany óltirgen Daǵystannyń burynǵy vıtse-premeriniń uly 13 jylǵa sottaldy
2022 jylǵy 24 maýsym 21:23

Tomırıs Baısafany óltirgen Daǵystannyń burynǵy vıtse-premeriniń uly 13 jylǵa sottaldy

MÁSKEÝ. QazAqparat – Daǵystannyń burynǵy vıtse-premeriniń uly Mýrtýzalı Medjıdov qazaqstandyq stýdent Tomırıs Baısafany qasaqana óltirgeni úshin kináli dep tanyldy, dep habarlaıdy QazAqparat menshikti tilshisi.

Alqabıler alqasy M.Medjıdovtiń kinási týraly faktini dáleldengen dep sanap, ony Tomırıs Baısafanyń ólimine biraýyzdan kináli dep tapty.

Stýdenttiń anasy tilshige habarlaǵandaı, Máskeýdiń Izmaılov sotynyń sýdıasy Alena Lysenko úkimdi jarııalady. Oǵan sáıkes M.Medjıdov qazaqstandyq stýdentti qasaqana óltirdi dep aıyptalyp, 13 jylǵa bas bostandyǵynan aıyryldy, endi ol qatań rejımdegi kolonııada jazasyn óteıdi.


Uqsas jańalyqtar
Petropavlda urylar kópqabatty úsh úıdi gazsyz qaldyrdy
2022 jylǵy 10 tamyz 21:19

Petropavlda urylar kópqabatty úsh úıdi gazsyz qaldyrdy

PETROPAVL. QazAqparat – Petropavlda kóp qabatty úsh úı podezge kire beristegi gaz shúmekteri burandalarynyń urlanýyna baılanysty gazsyz qaldy, dep habarlaıdy QazAqparat tilshisi.

Petropavldaǵy jergilikti pablıkterdiń birinde kómek suraǵan turǵynnyń jazbasy tarady . Bereke yqsham aýdany turǵynynyń aıtýynsha, búgin túngi saǵat 4.30 shamasynda ol qatty gaz ıisinen oıanyp ketken. Birden páterdegi gazyn tekserip, jabyq turǵanyna kóz jetkizgennen keıin úıdiń ortaq chatyna jazǵan.

Gazdyń ıisinen qalǵan kórshiler de oıanǵan eken. Terezelerin japqan olar, arnaıy qyzmetterge habar bergen. 112 nómirine kórshi úılerdiń turǵyndary da habarlasqan eken.

«Buǵan deıin de osyndaı gazdyń ıisi shyqqan edi. Ol joly dala jeldi bolyp, ıisti qatty sezbedik. Búgin tipti demalyp bolmaıdy. Úıde 6 aılyq balam bar», - dep jazdy Gastello 44 úıiniń turǵyny.

Bereke yqsham aýdanynda gazdyń aýaǵa taraýyna urylar kináli bolyp shyqty. Petropavl qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi mamandarynyń aıtýynsha, Gastello 50,52 kóp qabatty úılerdegi podezge kire beristegi gaz shúmekteri burandalaryn bireýler sheship alyp ketken.

«Qazirgi ýaqytta Gastello 48, 50, 52 meken jaıyndaǵy úıler apatty jaǵdaıda gazdan ajyratyldy. Jospar boıynsha kógildir otyn tek erteń ǵana, jańa burandalar salynǵannan keıin beriledi. «Gorgaz» JShS-gi urlyqqa qatysty Petropavl qalalyq polıtsııa basqarmasyna aryz jazdy», - deıdi mamandar.





Foto: verelq.am


Mańǵystaýda er adamdy qylqyndyryp, tonap ketken ekeýdiń qylmysy kameraǵa túsip qaldy
2022 jylǵy 10 tamyz 19:46

Mańǵystaýda er adamdy qylqyndyryp, tonap ketken ekeýdiń qylmysy kameraǵa túsip qaldy

AQTAÝ. QazAqparat – Beıneýdegi janarmaı quıý beketinde eki adam uıyqtap jatqan azamatty tonap ketken. Onyń sómkesinde 80 myń teńge bolǵan, dep habarlaıdy QazAqparat tilshisi.

Uıyqtap jatqan azamattyń qol sómkesin ashyqtan-ashyq urlaǵan 2 jigit oqıǵa ornynan boı tasalaǵan.

«Polıtsııa qyzmetkerleri jedel izdestirip, kúdiktilerdi ustady. Atalǵan fakt boıynsha Beıneý aýdandyq polıtsııa bólimi QR Qylmystyq kodeksiniń 191-baby 2-bóligi boıynsha sotqa deıingi is júrgizilip bastady» - dedi Mańǵystaý oblystyq Polıtsııa departamentiniń baspasóz qyzmeti.

Oqıǵa 7 tamyz kúni tańerteńgi mezgilde bolǵan.





Vıdeodan alyn ǵ an kadr

Áıelge kór qazdyrǵan - Polıtsııa qaýipti qylmystyq topty qalaı ustaǵanyn málim etti
2022 jylǵy 10 tamyz 19:38

Áıelge kór qazdyrǵan - Polıtsııa qaýipti qylmystyq topty qalaı ustaǵanyn málim etti

NUR-SULTAN. QazAqparat - Polıtsııa asa qaýipti uıymdasqan qylmystyq topty qalaı ustaǵany jaıly aıtty, dep habarlaıdy Polisia.kz.

«Hamıdýlla-Ómirzaqov» atty uıymdasqan qylmystyq top Qazaqstanda 2019 jyldyń basynda paıda bolǵan. Atalmysh top nege solaı atalady deseńiz, jaýap qarapaıym: uıymdastyrýshylary – Baǵdat Hamıdýlla men Jandos Ómirzaqov.

Bandany qurý úshin qylmystyq kóshbasshylar fızıkalyq turǵydan myqty, sottylyǵy bar ári qylmystyq jaýapkershilikten qoryqpaıtyn tanystarynyń basyn qosqan. Osylaısha, 16 adamnan quralǵan uıym birneshe jyl ishinde qaraqshylyq, tonaý, buzaqylyq, bopsalaý jáne ózin-ózi basqarýmen aınalysqan.

Qylmyskerler «iske» qur qolmen barmaıtyn: tintý kezinde pysyqaılardan qarý, oq-dáriler jáne jarylǵysh zattar tárkilengen. Polıtseıler buzaqylardyń qylmystyq ómirinde oryn alǵan keıbir epızodtarmen bólisti.

Bir kúni qylmyskerlerge Sh. jáne A. degen tanystary júginipti. Jigitter B. azamatshasynan qaryzyn alyp berýdi ótinse kerek. Aıtýlarynsha, 27 jastaǵy boryshker olardan eki Toyota Camry kóligin satyp berý úshin alyp, keıin aqshasyn da, múlkin de qaıtarmaı qoıǵan. Tórt kúnnen keıin top músheleriniń biri áıeldi turǵylyqty mekenjaıynan ustap alǵan.

Qylmyskerler qurbandy 10 kún boıy Almatynyń birqatar jaldamaly páterlerinde ustap, uryp-soqqan, onyń ústine tapanshamen qorqytqan. Tipti zırat basyna aparyp, qabir qazýǵa májbúrlegen.

Keıin sol jerge túsirip, tizesin búktirip qoıyp, basynyń dál qasynan oq atqan. Nátıjesinde zııankester Hummer avtomobılin jáne 3,4 mln teńgeni ıelengen.

Taǵy bir jaǵdaı 2020 jyly tirkelgen. Maýsym aıynda Taraz UQT músheleri «Hamıdýlla-Ómirzaqov» tobynyń bir qatysýshysyn uryp-soqqan. Sońǵysy bul týraly top jetekshilerine jetkizgen. Qylmystyq ortada óz bedelin kóterý úshin Baǵdat Hamıdýlla men Jandos Ómirzaqov qarsylastaryn jazalaý týraly sheshim qabyldaıdy.
Osylaısha, túnde Taraz qalasynda bandıtter qarsylastardyń kóliginiń ornyn anyqtaıdy. Alaıda temir tulpardyń ishinde tarazdyqtardyń ózderi emes, tanystary bolypty. Solarǵa shabýyl jasap, tapanshamen qorqytyp, basqa kólikpen Jambyl oblysynyń Aqyrtóbe aýylyna aparǵan.

Tarazdyq UQT qatysýshylary týraly suraqtarǵa jaýap ala almaı, olar quny 6 mln teńge turatyn BMW-645 kóligin alyp ketken.

Vedomstvo bergen aqparǵa súıensek, búginde qylmystyq toptyń Almaty qalasy, Almaty jáne Jambyl oblystarynda oryn alǵan qylmystyq quqyq buzýshylyqtarynyń 16 epızody tirkelip otyr. Jedel-izdestirý is-sharalary 2020 jyldyń maýsymynda bastaý alǵan, nátıjesinde polıtsııa qyzmetkerleri UQT qatysýshylarynyń jeke basyn anyqtaı aldy. Tártip saqshylary 80-nen astam tintý júrgizgen. Mamandardyń aıtýynsha, jumys toptyń qastyq ádisterin jiti bilý kerek bolǵandyqtan qıynǵa soqty.
– Uıymdasqan toptyń qylmystyq áreketiniń jolyn kesý boıynsha arnaıy operatsııany ІІM men UQK birlese otyryp 2020 jyldyń qarashasynda júrgize bastaǵan. 12 kúdikti elimizdiń bes óńirinde: Almaty qalasy, Almaty, Jambyl, Aqtóbe jáne Batys Qazaqstan oblystarynda ustaldy, – dep atap ótti ІІM Tergeý departamentiniń asa mańyzdy ister jónindegi aǵa tergeýshisi Baqtııar Musabaev.
Al qylmystyq top jetekshileriniń qaıda ekendigi sál keıinirek anyqtaldy. Baǵdat Hamıdýllany polıtseıler Dýbaıda anyqtaǵan, ekstradıtsııalyq materıaldar jiberildi. Al ekinshi kóshbasshy Jandos Ómirzaqov 2021 jyldyń qarasha aıynda Almatyda ustaldy.

UQT-nyń taǵy eki qatysýshysy qazir halyqaralyq izdeýde. Ustalǵandardyń áreketteri QR QK-niń 262-baby «Uıymdasqan topqa nemese qylmystyq uıymǵa qatysý», 126-baby «Adamdy bas bostandyǵynan zańsyz aıyrý», 191-baby «Tonaý, bótenniń múlkin ashyq urlaý», 192-baby 2-bóligi «Qaraqshylyq shabýyl», 194-baby «Qorqytyp alýshylyq», 287-baby «Atys qarýyn (tegis uńǵyly ańshylyq qarýynan basqa), oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý», 389-baby «Ozbyrlyq» boıynsha saralanǵan.
2021 jyldyń jeltoqsanynda Almaty qalasynyń qylmystyq ister jónindegi mamandandyrylǵan aýdanaralyq sottyń úkimimen kúdiktiler kináli dep tanylyp, 2 jyldan 12 jylǵa deıin bas bostandyǵynan aıyrylǵan.





Foto: polisia.kz


Jańalyqtar

Úrdis

MURAǴAT