+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Tóleýtaı Raqymbekov aýyl sharýashylyǵyndaǵy ǵylymdy damytýdyń jolyn atady

2019 jylǵy 9 jeltoqsan 18:50
Bólisińiz:
Tóleýtaı Raqymbekov aýyl sharýashylyǵyndaǵy ǵylymdy damytýdyń jolyn atady

NUR-SULTAN. QazAqparat – «Ulttyq agrarlyq ǵylymı-bilim berý ortalyǵy» KEAQ basqarma tóraǵasy Tóleýtaı Raqymbekov aýyl sharýashylyǵy salasynda ǵylymı zertteýlerdi tájirıbe júzinde iske asyrý baǵyty týraly aıtyp berdi, dep habarlaıdy QazAqparat.

Uqsas jańalyqtar
Qyzylorda oblysynyń ákimi soltústik aýdandarda boldy Mınıstr ımporttyq ónimdi almastyrý merzimin aıtty SQO kásipkerleri óz ónimderin kóbine TMD elderine eksporttaıdy

«Memleket basshysy ǵylymdaǵy jaǵdaıǵa, onyń tıimdiligine, ǵylymı zertteýlerdiń deńgeıin arttyrýǵa jáne olardyń tájirıbe júzinde paıdalaný baǵytyna aıryqsha nazar aýdardy. Biz agrarlyq ǵylym problemalaryna taldaý jasap, olardy sheshý joldaryn belgilip, jaqynda Aýyl sharýashylyǵy mınıstrligindegi keńeste baıandadyq. Bir jaǵynan alyp qaraǵanda, bizde ǵylymı baı mura bar, sondaı-aq otandyq agrarlyq ǵylymmen júrgizilgen jumystarǵa laıyqty baǵasyn berý kerek. Bizde ǵylym bar jáne tájirıbeli nátıjege jumys isteı alady. Alaıda qazirgi kezde moıyndaýymyz kerek, bul saladaǵy tıimdilik tıisti deńgeıde emes. Ekinshi jaǵynan qaraǵanda, ǵylym bıznes qajettiliginen ajyrap qalǵan. Ǵylymı-tehnıkalyq qyzmet nátıjeleriniń tek 8 paıyzy óndiriske engiziledi», - dedi ol Prezıdenttiń Qazaqstan halqyna Joldaýynyń alǵashqy nátıjeleri týraly ǵylymı-praktıkalyq konferentsııa barysynda.

T. Raqymbekovtyń sózine qaraǵanda, basty problema – ol óndiriske ǵylymı zertteýler nátıjelerin ilgeriletýge yqpal etetin ınfraqurylymnyń, ınnovatsııalyq júıeniń tıisti deńgeıde bolmaýy. Kadrlyq problemalar da bar.

Sonymen qatar ol mınıstrlikte ótken keńeste atqarylǵan jumystyń alǵashqy nátıjeleri baıandalǵanyn jáne birqatar usynystar engizilgenin atap ótti.

«Birinshiden, ósimdik sharýashylyǵynda roıaltı engizý boıynsha jumys bastaldy. 100 mln teńgeden astam somaǵa 32 lıtsenzııalyq shart bekitildi, onyń ishinde 30 paıyzy zańnamaǵa sáıkes ǵalymǵa tólenýi tıis. Keńeste astyq tuqymdastary suryptarynyń avtorlaryna sertıfıkattar tabystaldy», - dedi ol.

Osy oraıda T. Raqymbekov roıaltıdiń jalpy somasy jylyna 10 mlrd teńgege jetýi múmkin ekenin atap ótti. Sonyń ishinde 3 mlrd teńgesi ǵalymdarǵa tıesili bolady. Bul rette ǵylymı qyzmetkerlerdiń eńbegin yntalandyrýdy arttyrý eskerilip otyr.

«Qalǵan 7 mlrd teńge jańa ǵylymı zertteýlerdi qarjylandyrýǵa baǵyttalmaq. Roıaltı júıesi taýar óndirýshilerdiń sapaly tuqymdy paıdalanýyn baqylaýdyń negizi bolýy múmkin. Bul óz kezeginde ónimniń shyǵymdylyǵynyń sapasy men kólemine ońtaıly áser etedi», - dedi «Ulttyq agrarlyq ǵylymı-bilim berý ortalyǵy» KEAQ basqarma tóraǵasy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT