+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Tólebı aýdanynda Konstıtýtsııanyń 24 jyldyǵy atalyp ótti

2019 jylǵy 29 tamyz 18:14
Bólisińiz:
Tólebı aýdanynda Konstıtýtsııanyń 24 jyldyǵy atalyp ótti

LEŃGІR. QazAqparat – Túrkistan oblysy Tólebı aýdanynda Qazaqstan Respýblıkasy Konstıtýtsııasynyń 24 jyldyǵyna arnalǵan saltanatty shara ótti. Aýdandyq mádenıet úıine aǵylǵan halyq ánurandy shyrqap, elimizdiń eń basty memlekettik qujatyna qurmet kórsetti, dep habarlaıdy QazAqparat tilshisi.

Merekelik jıyndy ashyp bergen aýdan ákimi Baýyrjan Omarbekov memleketimizdiń búgingi jetistigi Ata zańymyzben tikeleı baılanysty ekenin atap ótti.

«Bizdiń Konstıtýtsııamyz Qasym hannyń «Qasqa joly», Esimhannyń «Eski joly», Áz-Táýkeniń «Jeti Jarǵysynan» alynǵan baptar negizinde jazyldy. Sol zańdardyń aıasynda bizdiń qazirgi Ata Zańymyz mazmundy da maǵynaly boldy. Sonyń arqasynda biz búgingi beıbit ómirge jettik. Jalpy halyqtyq referendýmda qabyldanǵan Negizgi zań – Qazaqstannyń turaqtylyǵy men progresiniń negizi boldy. Bul kún bizdi rýhtandyryp, Qazaqstandy odan ári damytýǵa shabyt berip, jańa múmkindikter syılasyn! Osy aıtýly mereke qarsańynda yntymaǵy jarasqan elimizdiń baǵyn asyratyn, mereıin tasytatyn úlken iste barshańyzǵa sáttilik tileımin!», - dedi Baýyrjan Omarbekov.

Jıyn barysynda el ıgiligi úshin belsendi qyzmet etip júrgen azamattarǵa aýdan ákiminiń alǵys haty, aýdandyq máslıhat hatshysynyń gramotasy tabystaldy. Saltanatty sharanyń sońy jergilikti mádenıet úıiniń qyzmetkerleri usynǵan merekelik kontsertke ulasty.

Bul kúni sondaı-aq, aýdandyq keńesshi organynyń kezekti otyrysy ótti. Jıyndy atalmysh organnyń tóraǵasy Rabıǵa Beısebaeva ashyp, júrgizdi. Jınalysqa keńesshi toptyń derbes quram músheleri, quqyq qorǵaý qyzmetkerleri, kvota belgilengen mekeme basshylary qatysty. Kún tártibinde ICh 167/9 túzeý mekemesinde jazasyn ótep jatqandar men probatsııa qyzmeti bóliminiń esebinde turatyn sottalǵandar arasynda «30 tamyz – Konstıtýtsııa kúnine» oraı mádenı, sporttyq is-sharalar ótkizý máselesi aıtyldy.

Sondaı-aq, qylmystyq jazany jáne qylmystyq-quqyqtyq yqpal etýdiń ózge de sharalaryn oryndaıtyn mekemeler men konstıtýtsııalyq-keńesshi organ músheleri, sondaı-aq qylmystyq jazasyn ótegen adamdarǵa áleýmettik jáne ózge de kómek kórsetý maqsatynda Qazaqstannyń kórikti jerlerine saıahat uıymdastrý máselelerin qaraý jóninde talqylandy.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT