+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Tólebı aýdanynda iri qarany bordaqylap, saýdalaıtyn sharýalar kóbeıdi

2019 jylǵy 17 qyrkúıek 15:58
Bólisińiz:

TÓLEBI. QazAqparat – Túrkistan oblysy, Tólebı aýdanynyń ákimi Baýyrjan Omarbekov Qoǵaly aýyldyq okrýginde bolyp, turǵyndarmen kezdesti.

Aýyldyq okrýgterdiń jaǵdaıyn saralap shyǵý úshin qurylǵan toptyń kezekti otyrysyna qatysyp, jurtty mazalaǵan máselelermen tanysty, dep habarlaıdy QazAqparat tilshisi.

Jıyn barysynda aýdan ákimi aýyl turǵyndarynyń qatysýymen óziniń orynbasarlary men bólim basshylaryn tyńdady. Atqarylǵan jumystardyń nátıjesinde Qoǵaly aýyldyq okrýginiń 50,73 gektar jeri maqsatyna saı paıdalanylmaı jatyr. 20 jer ýchaskesi turǵyn úı maqsatynda berilgenimen bos qalǵan. Aýyldyq okrýgtiń tutyný balansy boıynsha ónimniń 4 túri syrtqa satylady, 17 túri syrttan ákelinetindigi anyqtalǵan.

ıAǵnı, eldi mekenderdegi 433 úı úıirgelik jerlerin tıimdi paıdalanyp kókónisterdi, basqa da daqyldardy ekse, 187 otbasy tek jemis-jıdek aǵashtary men jońyshqa daqyldaryn egip paıdalanýda. Áleýmettik sala boıynsha okrýgte Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda keleli jumystar jasalǵan. Atap óter bolsaq, qysqa merzimdi kásiptik oqytýǵa 9 adam, jastar praktıkasyna 7 adam, qoǵamdyq jumysqa 16 adam, bos jumys oryndaryna 47 adam, jańa jumys oryndaryna 4 adam joldanǵan. Sondaı-aq, kásipkerlikpen aınalysýǵa 2019 jyly 7 azamat «Bastaý Bıznes» sertıfıkatyn alyp nesıege ótinish bildirgen.

Nátıjesinde nesıe alýǵa 7 adamǵa joldama berilip, 3 adam nesıe alyp, óz kásipterin dóńgeletýde. Aýylǵa kelgen jumysshy top ataýly áleýmettik kómektiń, shartty aqshalaı járdemaqyny alǵan otbasylardyń mekenjaılaryn aralap, zerdeleý jumystaryn júrgizgen.

Baýyrjan Omarbekov aıtylǵan taldaýlardan soń okrýg turǵyndarynyń usynys-pikirlerin tyńdady. Qoıylǵan suraqtarǵa tıisti jaýaptaryn berip, úı irgelik jerlerdi tıimdi paıdalaný, qasbetterdi retteý, okrýgtegi aryqtardyń, kanaldardyń tazalyq jumystary syndy birlesip atqarýǵa bolatyn isterge bir kisideı atsalysýǵa shaqyrdy.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT