+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Tolaǵaı kúshimen Qytaı armııasynyń kúres komandasyna qabyldanǵan qazaq balýany - Sheteldegi qazaq tildi BAQ-qa sholý

2019 jylǵy 25 mamyr 11:26
Bólisińiz:
Tolaǵaı kúshimen Qytaı armııasynyń kúres komandasyna qabyldanǵan qazaq balýany - Sheteldegi qazaq tildi BAQ-qa sholý

ASTANA. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Qazaqstandaǵy kóne úsh qala tarıhy týraly jazylǵan shyǵarmalar qytaı tilinde jaryq kóredi - «Jenmın jıbao» (People Daily)

Qytaıdyń «Shınshıń» baspasy men Qazaqstan Jazýshylar odaǵy «Jibek jolyndaǵy júz qala ańyzy» jobasynyń aıasynda qazaq avtorlarynyń shyǵarmalaryn qytaı tilinde shyǵarý týraly kelisimge qol qoıdy, dep habarlaıdy kazakh.people.com.cn saıty.

null

Atalǵan derekkóz jazýynsha, Qazaqstan Jazýshylar odaǵy basqarmasynyń tóraǵasy Ulyqbek Esdáýlet Beıjiń qalasyndaǵy is-sapar barysynda, «Shınshıń» baspasynyń Prezıdenti Ma Rýjúnmen kezdesken. Onda «Jibek jolyndaǵy júz qala ańyzy» jobasynyń aıasynda Almaty, Taraz, Túrkistan qalalarynyń tarıhy týraly jazylatyn qazaq avtorlary shyǵarmalarynyń qytaı tilinde jaryq kórýi týraly kelisimge qol qoıylǵan. Atalmysh joba aıasynda Kádirbek Segizbaıdyń «Almatynyń «Altyn adamy», Nesipbek Dáýtaıdyń «Kóne Tarazdyń tarıhı kómbeleri», Marhabat Baıǵuttynyń «Túrkiler tóri - Túrkistan» atty tarıhı kórkem shyǵarmalary tárjimalanyp, basylyp shyǵady.

««Jibek jolyndaǵy júz qala ańyzy» kitap serııasy «Bir beldeý, bir jol» aıasyndaǵy mádenı-gýmanıtarlyq yntymaqtastyq joba. Jibek jolynyń boıynda ornalasqan tarıhı qundylyqqa, mańyzǵa ıe kóne qalalardan júz qala tańdalyp alynyp, onyń shejireli bolmysyn, tarıhı mánin jan-jaqty saraptap, ádebı kórkem tilmen baıandap jazyp shyǵarý qolǵa alynǵan. Bul joba qazirgi kúnigi «Jibek joly» boıynda turǵan memleketterdiń ózara mádenı-gýmanıtarlyq, tarıhı -tanymdyq baılanystaryn nyǵaıtýǵa septigin tıgizedi. Kitap shyǵarýdy qolǵa alǵan «Shınshıń» baspasy shet tilderdegi ádebıetterdi basyp shyǵaratyn jáne taratatyn QHR Ákimshiliginiń memlekettik baspa úıi. Bul baspa ortalyǵy jylyna qytaı, aǵylshyn, orys, ıspan, frantsýz, japon, káris, nemis, arab syndy kóptegen tilderdegi túrli janrdaǵy 230 túrli kitapty basyp shyǵarady», - dep jazady «Jenmın jıbao» saıty.

Esterińizge sala keteıik, Qazaqstan Jazýshylar odaǵy basqarmasynyń tóraǵasy Ulyqbek Esdáýlet Beıjiń qalasyndaǵy is-sapar barysynda 40 memleketten eki myńdaı ádebıet, mádenıet pen óner qaıratkerleriniń qatysýymen ótkizilgen «Azııa - órkenıetter dıalogy» atty iri halyqaralyq konferentsııaǵa qatysyp, sóz sóılegen.

Prezıdent Erdoǵan Túrik Keńesi bas hatshysy Baǵdat Ámireevti qabyldady - TRT

Túrkııa Prezıdenti Rejep Taıyp Erdoǵan Túrik Keńesi bas hatshysy Baǵdat Ámireevti qabyldady, dep habarlaıdy Túrkııa Radıo Televızııa mekemesiniń resmı portaly.

null

«Erdoǵan túrki áleminiń birligine árqashan kóńil bólgenderin atap kórsetip, Túrik Keńesiniń basqa el jáne halyqaralyq uıymdarmen yntymaqtastyǵyn nyǵaıtýynyń mańyzdy ekenin aıtty. Erdoǵan Ázerbaıjanda ótetin kelesi sammıttiń daıyndyqtaryn da jaqynnan baqylap otyrǵanyn jetkizdi. «Túrkitildes elder Parlamenttik Assambleıasynyń jeke basyna halyqaralyq uıym retinde qyzmetin jalǵastyrýyn qalaımyz. Túrik mádenıetiniń halyqaralyq uıymy TÚRKSOI -dyń arnaıy mártebesin saqtap, qazirgi kúıimen Ankarada qalýyn oryndy dep esepteımiz» dedi prezıdent.

Erdoǵan Nur-Sultandaǵy Halyqaralyq Túrki akademııasy men Bakýdegi Túrik Mádenıet murasy qory jóninde Qazaqstan men Ázerbaıjannyń usynystaryna qoldaý berýge daıyn ekenderin aıtty.

Túrkııa prezıdenti Nursultan Nazarbaevtyń lıderliginiń ári Qazaqstanmen eki jaqty qarym-qatynastardyń nyǵaıtylýynda, ári Túrik Keńesiniń qurylyp, damýynda úlken rol oınaǵanyn atap kórsetti.

Qazaqstan Iranmen yntymaqtastyǵyn keńeıtýdi kózdeıdi - «Fars» aqparat agenttigi

Irandaǵy Qazaqstan elshisi Tehran-Nur-Sultan ekonomıkalyq yntymaqtastyǵyn keńeıtýdi qýattady, dep habarlaıdy parstoday aqparat agenttigi.

Atalǵan BAQ-tyń jazýynsha, Irandaǵy Qazaqstan elshisi Ashat Orazbaı baspasóz máslıhatynda sóz sóılep, eki eldiń ekonomıkalyq yntymaqtastyǵyn keńeıtýde múmkindikterdiń áli de bolsa mol ekenin aıtqan. «Iran men Qazaqstan ártúrli salalardaǵy ózara yntymaqtastyqtaryn arttyra alady. Eki eldiń ulttyq valıýtasyn paıdalaný óz ara ekonomıkalyq yntymaqtastyqtaryn keńeıtýge sebep bola alady. Sondaı-aq bank máselelerin sheshý úshin eki eldiń arasynda jańa mehanızm iske qosylýy kerek. Iran men Qazaqstan arasyndaǵy saýda aınalymy ótken alty jylda bes ese artyp, 400 mıllıon dollardan 2 mıllıard dollarǵa jetti»,- deıdi Irandaǵy Qazaqstan elshisi Ashat Orazbaı .

null

Tolaǵaı kúshimen Qytaı armııasynyń kúres komandasyna qabyldanǵan qazaq balýany - Qytaıdyń «Ortalyq halyq radıosy» (CNR)

null

Qytaılyq kazakcnr.com saıtynda Beıjińdegi Qytaı halyq-azattyq armııasynyń kúres komandasynyń bilikti balýany, Qytaıda turatyn qandasymyz Muratbek Shaısultanulymen bolǵan suhbaty jaryq kórdi.

null

Atalǵan BAQ-tyń jazýynsha, grek-rım kúresi boıynsha 130 kg salmaq dárejesinde beldesetin, taýsoǵar balýan qandasymyz Qytaı memleketiniń ishindegi áskerı-sporttyq oıynynda jáne álem chempıonattarynda san márte júldeli oryndardy qanjyǵalaǵan eken.

null

«Men 1992 jyly Qytaı Halyq Respýblıkasy, Altaı Aımaǵynyń Qaba aýdanynda týǵanmyn. Bala kúnimnen sportqa beıim bolyp óstim. 2008 jyly Altaı aımaǵyndaǵy jarysta júldeli orynǵa ıe bolyp, kózge tústim. 2009 jyly Shyńjań ólkesiniń kúres komandasyna qabyldandym. Al, 2010 jyly Qytaı chempıonatynda 2-shi oryn aldym. Osydan keıin Beıjińdegi Qytaı halyq-azattyq armııasynyń kúres komandasyna synaqtarynan súrinbeı ótip, qabyldandym. 2013 jyly Iranda ótken Dúnıejúzilik áskerı-sporttyq oıynda, tuńǵysh ret úlken dodada baq synap, boz kilemge shyqtym. Onda 3-shi oryndy qanaǵat tuttym. Qazirgi kúnge deıin boz kilemnen túsken joqpyn. El ishinde de Qytaıdyń halyq-azattyq armııasynyń arasynda ótetin túrli sporttyq chempıonattarda júldeli oryndardy qanjyǵalap júrmin. Al, bıylǵy jyly qyrkúıek aıynda Qytaıdyń Ýhan qalasynda ótetin Dúnıejúzilik armııa oıyndaryna qatysýdy josparlap, osy álemdik alamanǵa tyńǵylyqty daıyndalyp jatyrmyn», - deıdi suhbatynda Muratbek Shaısultanuly.

null

Ózbekstanda Qazaqstan bankiniń fılıaly ashylady - «ÓzA» aqparattyq agenttigi

Ózbekstan Respýblıkasynyń Ortalyq banki basqarmasy, «Qazaqstan Halyq Banki» AQ-nyń enshiles uıymy «Tenge Bank» aktsıonerlik kommertsııalyq bankine, Ózbekstan aýmaǵynda bank operatsııalaryn júzege asyrýǵa lıtsenzııa berdi, dep habarlaıdy Ózbekstannyń «ÓzA» memlekettik aqparattyq agenttigi.

«Qazaqstan Halyq Banki» AQ Ózbekstandaǵy fılıalyn ashýǵa nıet bildirgen alǵashqy qazaqstandyq bank bolyp otyr. Banktiń Tashkenttegi qarjylyq uıymynyń fılıaly - Tenge Bank ataýymen jumys isteıdi. Qazaqstandyq banktiń qazirgi tańda TMD aýmaǵynda Reseı, Qyrǵystan, Grýzııa, Tájikistan elderinde óz bólimsheleri bar. Endi olardyń qaratyna Ózbekstanda endi. Búginde Ózbekstanda 28 komertsııalyq bank jumys isteıdi. Ekinshi dárejeli bankterdiń jalpy aktıvteri 194,6 trln sým nemese 24,1 mlrd dollardy quraıdy. Qazirgi ýaqytta Ózbekstan aýmaǵynda sheteldik bank kapıtalynyń qatysýymen bes bank qyzmet kórsetip keledi»,- dep jazady ÓzA» aqparattyq agenttigi.

null

Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT