+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Tokıo Paralımpıadasy saltanatty túrde jabyldy

2021 jylǵy 5 qyrkúıek 21:09
Bólisińiz:
Tokıo Paralımpıadasy saltanatty túrde jabyldy

TOKIO. QazAqparat - Japonııa astanasyndaǵy Jazǵy Paralımpıada oıyndarynyń jabylý saltanaty aıaqtaldy, dep habarlaıdy QazAqparat tilshisi.

Bıyl atalǵan dúbirli dodaǵa álemniń 162 memleketinen 4400-ge jýyq sportshy qatysty. Jarysqa qatysýshylar 22 sport túrinen 539 medal jıyntyǵyn sarapqa saldy.

Atalǵan jarysta elimizdiń atynan barǵan 26 sportshy sporttyń 7 túrinen synǵa tústi. Qazaqstan quramasy dúbirli dodada 1 altyn, 2 kúmis, 1 qola medal aldy. Olardyń arasynan Davıd Degtıarev (para paýerlıftıng) chempıon atandy. Al, para dzıýdoshylar Ánýar Sarıev, Temirjan Dáýlet jáne Zarına Baıbatına kúmis alsa, sýǵa júzýshi Nurdáýlet Jumaǵalı qola júldeger boldy.

Aıta ketsek, alǵashqy Paralımpıada oıyndary 1960 jyly Italııanyń astanasy Rımde ótti. Oıyndar 18 qyrkúıekte «AkvaAtsetos» stadıonynda ashyldy.

Qazaqstandyq sportshylar 1996 jyldan beri Jazǵy Paralımpıada oıyndaryna qatysyp keledi. Buǵan deıin Qazaqstan quramasy sapynan eki sportshy júldege qol jetkizdi. 2016 jyly Brazılııanyń Rıo-de-Janeıro qalasynda Zýlfııa Gabıdýllına erkin mánerde 100 metrge sýǵa júzýden chempıon atandy. Sol joly taǵy bir qazaqstandyq Raýshan Qoıshybaeva paýerlıftıngten áıelder arasynda 67 kelide kúmis júldege qol sozdy.

Endi Jazǵy Paralımpıada oıyndary 2024 jyldyń 28 tamyz jáne 8 qyrkúıegi aralyǵynda Frantsııa astanasy Parıj qalasynda ótkiziledi.

Al Qysqy Paralımpıada oıyndary 2022 jyldyń 4-13 naýryzy aralyǵynda Qytaı astanasy Beıjiń qalasynda bolady.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janıbek Amangeldı
Janıbek Amangeldı
954-059

MURAǴAT