+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Tokıo-2020: Sý dobynan Qazaqstan quramasy Aýstralııaǵa ese jiberdi

2021 jylǵy 2 tamyz 19:01
Bólisińiz:
Tokıo-2020: Sý dobynan Qazaqstan quramasy Aýstralııaǵa ese jiberdi

TOKIO. QazAqparat - Tokıo Olımpıadasynda sý dobynan Qazaqstan quramasy Aýstralııaǵa ese jiberdi, dep habarlaıdy QazAqparat tilshisi.

Qazaqstandyq sportshylar búgingi kezdesýde atalǵan qarsylasynan 7:15 esebimen jeńildi.

Odan buryn Horvatııadan 7:23, Serbııadan 5:19, Ispanııadan 4:16 jáne Chernogorııadan 12:19 esebimen tize búkken edi.

Aıta keteıik, Qazaqstan quramasy V tobynda synǵa tústi. Qarsylastarynyń barlyǵynan jeńilip, óz tobynda besinshi oryndy mise tutty.

V tobynda Ispanııa, Horvatııa, Serbııa jáne Chernogorııa quramalary shırek fınalǵa joldama aldy. Al A tobynda mundaı múmkindikke Grekııa, Italııa, Vengrııa, AQSh quramalary ıe boldy.

Shırek fınal 4 tamyzda ótse, jartylaı fınal 6 tamyzǵa belgilengen. Al 8 tamyzda fınal men 3-oryn úshin saıys bolady.

Aıta keteıik, Qazaqstan quramasy Olımpıadaǵa tórtinshi márte qatysyp otyr.

2000 jyly jalpy komandalyq esepte toǵyzynshy orynǵa taban tirep, ázirge ol quramanyń eń joǵary jetistigi retinde tirkelgen.


Foto: QR UOK

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT