+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Tokıo-2020: Búgin Qazaqstan qorjynyna medal túsken joq

2021 jylǵy 27 shilde 20:04
Bólisińiz:
Tokıo-2020: Búgin Qazaqstan qorjynyna medal túsken joq

TOKIO. QazAqparat – Japonııa astanasy Tokıoda ótip jatqan Olımpıada oıyndarynyń 27 shildedegi medaldar esebi jarııalandy, dep habarlaıdy QazAqparat tilshisi.

Búgingi jarys kúniniń qorytyndysy boıynsha Qazaqstan qorjynyndaǵy medalderdiń sany ózgergen joq – 3 «qola» bar.

Jurt «altyn alady» dep úmit artqan Vasılıı Levıt ıspanııalyq qarsylasynan nokaýtpen jeńilse, «Qazaqsatynnyń salmaǵy» - 69 kelide óner kórsetken Abylaıhan Júsipov amerıkalyq qarsylasynan óte almady.

Sý dobynan erler quramasy búgin ekinshi jeńilistiń dámin tatsa, taekvondoshylar Rýslan Japarov pen Jansel Denız ekinshi kezdesýinde súrinip, jarysty erte aıaqtaıtyn boldy.

Dzıýdoda medalden dámeli bolǵan Dıdar Hamza da elge erte oralatyn boldy.

Tennısshi qyzdar arasynda tabandy óner kersetip kele jatqan Elena Rybakına erteń shırek fınalda básekege túsedi.

Sonymen, Tokıo Olımpıadasynyń saıtyndaǵy sońǵy málimet boıynsha, medalder kestesinde úsh qola medali bar Qazaqstan 47 oryndy Ýkraınamen bólisip tur. 46 orynda – bir «kúmis», bir «qolasy» bar Túrikmenstan. Búgin medal alǵan memleketterdiń sany 52-ge jetti.

Kósh basyna 10 altyn, 3 kúmis, 5 qola medal alǵan jarys ıeleri – Japonııa shyqsa, 9 altyn, 8 kúmis, 8 qola medali bar AQSh ekinshi orynǵa tústi. Úshtikti 9 altyn, 5 kúmis, 7 qola medal ıelengen Qytaı túıindep tur.

Sonymen, 27 shildede medal alǵan memleketterdiń jalpykomandalyq kórsetkishi mynadaı:

1. Japonııa - 10-3-5.

2. AQSh - 9-8-8

Qytaı - 9-5-7

4. Reseı - 7-7-4

5. Ulybrıtanııa - 4-5-4

6. Ońtústik Koreıa - 3-2-5

7. Aýstralııa- 3-1-5

8. Kanada - 2-3-3

9. Frantsııa - 2-2-3

10. Germanııa - 2-0-3


Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysyp jatyr. Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi. Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT