Toqaev Úkimetke Biryńǵaı baǵdarlamalyq qujatty ázirleýdi tapsyrdy

NUR-SULTAN. QazAqparat –QR Prezıdenti Qasym-Jomart Toqaev Úkimetke Biryńǵaı baǵdarlamalyq qujatty ázirleýdi tapsyrdy, dep habarlaıdy QazAqparat tilshisi.

Uqsas jańalyqtar

Prezıdenttiń Úkimet otyrysynda sóılegen sóziniń vıdeosy jarııalandy

Tómengi jalaqyny arttyrýǵa baǵyttalǵan qosymsha sharalar toptamasyn ázirleý qajet – Memleket basshysy Prezıdent AÓK sýbsıdııasynyń jyl saıyn ózgeretindigin synady Toqaev Úkimet pen ákimder qaı salaǵa basymdyq berýi kerektigin aıtty

«Basqarýshylyq jáne tehnologııalyq quzyretterdiń ósiminsiz qýatty ekonomıkany qurý múmkin emes. Aldymyzda ashyq ári syndardy salyqtyq-bıýdjettik saıasatty qurý mindeti tur. Tıimdi ónerkásiptik saıasatty júrgizý qajet bolady, ol otandyq kásipkerlerdi, ónimdi ótkizý naryqtaryna qoljetimdilikti, kásiporyndar ónimdiligin arttyrýdy, básekege qabilettilik ósimi men qazaqstandyq ónimniń sapasyn qorǵaý men damýdy qamtamasyz etýge mindetti bolady. Aqsha-nesıelik saıasat, qarqyndy qarjy naryǵy ekonomıkany uzaqmerzimdi jáne qoljetimdi qarjylandyrýdy qamtamasyz etýi tıis», - dedi Memleket basshysy Úkimettiń keńeıtilgen otyrysynda.

«Bizge barlyq salalarda zańnama men retteý sharalaryn jetildirý kerek, medıtsınadan bastap, qarjy naryqtaryna deıin, ıaǵnı eń úzdik álemdik tájirıbe bazasynda», - dedi Q. Toqaev.

Osy oraıda, Ekonomıkalyq yntymaqtastyq jáne damý uıymy tájirıbesi nazarǵa alynbaq.

«Aıqyn maqsattar, túsinikti mindetter, olardy tolyqtaı oryndaý – ekonomıkalyq ósimniń jańa sapasyn qamtamasyz etýge múmkindik beredi. Sondyqtan Biryńǵaı baǵdarlamalyq qujatty ázirleý qajet bolyp tur, ıaǵnı formasy boıynsha barynsha yqsham, mazmuny boıynsha tereń qujat. Bul turǵyda ortamerzimdi kezeńge Úkimettiń jumys josparyna qatysty bolyp otyr. Atalǵan qujat Úkimetpen, Prezıdent Ákimshiligimen, «Atameken» UKP-men 15 mamyrǵa qaraı daıyndalýy tıis», - dedi Memleket basshysy.