FÝTBOLDAN ÁLEM ChEMPIONATY-2022
  Jańalyqtar  >

Toqaev: Ozyq bilim men qajyrly eńbek qana eldi tabysqa jetkizedi

2022 jylǵy 6 qazan, 17:21
Toqaev: Ozyq bilim men qajyrly eńbek qana eldi tabysqa jetkizedi

ASTANA. QazAqparat – Ozyq bilim men qajyrly eńbek qana eldi tabysqa jetkizedi. Bul týraly QR Prezıdenti Qasym-Jomart Toqaev búgingi halyqtyq koalıtsııa forýmynda aıtty, dep habarlaıdy QazAqparat tilshisi.

«Jasampazdyq – jańarý men jańǵyrý joly. Bizdiń basty maqsatymyz – Otanymyzdy órkendetý, memleketimizdi damytý. Ozyq bilim men qajyrly eńbek qana eldi tabysqa jetkizedi. Básekege qabiletin arttyrýǵa múmkindik beredi», - dedi Memleket basshysy prezıdenttikke Qasym-Jomart Toqaevtyń kandıdatýrasyn qoldaý jónindegi halyqtyq koalıtsııanyń forýmynda.

Prezıdent qazir ǵylym ekonomıkany jedel alǵa jeteleıtin alyp ındýstrııaǵa aınalǵanyn basa aıtty.

«Qazaqstan jahandyq ekonomıkadaǵy úrdisterǵa saı bolýǵa tıis. Bizge de osy ǵylymı-tehnologııalyq jańashyldyqty ákelip, óndiriske qosatyn jańa ári bilikti mamandar kerek. Biz olarǵa qajet jaǵdaıdyń barlyǵyn jasaımyz. Sebebi, adam kapıtaly eń qundy baılyǵymyz. Muny ýaqyt jáne tájirıbe dáleldedi. Osylaısha, Qazaqstannyń ınnovatsııanyń, jańa tehnologııanyń, tyń ıdeıalardyń, aýqymdy kapıtaldyń ortalyǵy bolýǵa zor múmkindigi bar», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar