Toqaev «Nur Otan» partııasy tóraǵasynyń birinshi orynbasary laýazymyn ózgertýdi usyndy
2022 jylǵy 28 qańtar 15:53

Toqaev «Nur Otan» partııasy tóraǵasynyń birinshi orynbasary laýazymyn ózgertýdi usyndy

NUR-SULTAN. QazAqparat – «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev partııa tóraǵasynyń birinshi orynbasary laýazymyn ózgertýdi usyndy, dep habarlaıdy QazAqparat tilshisi.

«Partııa qurylymyn qaıta qarap jáne ońtaılandyrý arqyly óziniń uıymdastyrýshylyq tıimdiligin arttyrýy kerek. Partııa apparatyn servıstik modelge qaraı qurýǵa basymdyq berilýi tıis»,- dedi QR Prezıdenti.

Memleket basshysy partııanyń uıymdastyrýshylyq qurylymyn da qaıta qaraý kerektigin basa aıtty.

«Atap aıtqanda, partııa tóraǵasynyń birinshi orynbasarynyń ornyna atqarýshy hatshy, sonymen qatar tıisti baǵyttar boıynsha ózge de hatshylar pozıtsııasyn qarastyrý kerek. Partııanyń janynan qurylǵan qoǵamdyq keńester ashyq jáne naqty alańdarǵa aınalýy, olarda eń ótkir taqyryptar boıynsha usynymdar ázirlenýi tıis. Olar ózekti problemalardy sheshýdiń is júzindegi shynaıy tetigine transformatsııalanýy qajet», - dedi Qasym-Jomart Toqaev.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter-degi paraqshasynda jarııalanýda.


Jańalyqtar

MURAǴAT