Toqaev: Mınıstr Bektanov komandırlik qabiletin kórsete almady
2022 jylǵy 19 qańtar 17:39

Toqaev: Mınıstr Bektanov komandırlik qabiletin kórsete almady

NUR-SULTAN. QazAqparat - Armııa Táýelsizdigimizdiń tiregi bolyp, memleket múddelerin qorǵaýy tıis. Qańtar oqıǵasy kezinde Qarýly Kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almady. Bul týraly QR Prezıdenti - Joǵarǵy Bas qolbasshy Qasym-Jomart Toqaev Qorǵanys mınıstrliginiń basshylyq quramymen ótkizgen keńeste aıtty.

«Armııa Táýelsizdigimizdiń tiregi bolyp, memleket múddelerin qorǵaýy tıis. Qańtar oqıǵasy kezinde Qarýly Kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almady. Mınıstr Bektanov komandırlik qabiletin kórsete almady. Komandalyq-shtabtyq jáne áskerı jattyǵýlar kezinde oń nátıje kórsetken armııamyz bola tura, syn saǵatta onyń áleýetin paıdalana almadyq. Syrttan kómek shaqyrýǵa májbúr boldyq, – dedi Joǵarǵy Bas qolbasshy.

Eske salsaq, Qazaqstan Respýblıkasynyń Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaev Qorǵanys mınıstrliginiń basshylyq quramymen keńes ótkizdi.

Sonymen qatar búgin Memleket basshysynyń Jarlyǵymen Murat Káribaıuly Bektanov Qazaqstan Respýblıkasynyń Qorǵanys mınıstri laýazymynan bosatyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT