+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Toqaev: Іzgi qasıetterdi halyq sanasyna sińirý – saýaby mol mıssııa

2019 jylǵy 23 qazan 19:06
Bólisińiz:
Toqaev: Іzgi qasıetterdi halyq sanasyna sińirý – saýaby mol mıssııa

NUR-SULTAN. QazAqparat –Prezıdent Qasym-Jomart Toqaev elordada ótken «Rýhanı qundylyqtar – qoǵam birliginiń negizi» atty ІІІ respýblıkalyq ımamdar forýmynyń qatysýshylaryna quttyqtaý hatyn joldady, dep habarlaıdy QazAqparat tilshisi.

Memleket basshysynyń quttyqtaý hatyn QR Prezıdenti Ákimshiliginiń basshysy Erlan Qoshanov oqyp berdi.

«Qurmetti forýmǵa qatysýshylar! Barshańyzdy ıgi dástúrge aınalǵan ımamdar forýmynyń ashylýymen shyn júrekten quttyqtaımyn. Parasattylyq, otansúıgishtik, adamgershilik qasıetterin halyqtyń sanasyna sińirý – saýaby mol abyroıly mıssııa. Islam dininiń osyndaı izgi qundylyqtary elimizdegi musylmandar qaýymyn biriktirip, yntymaǵyn arttyryp otyr. Imamdarymyz halyq arasynda rýhanı, aǵartýshylyq jumystaryn udaıy júrgizip, jas urpaqtyń boıyna ımandylyqty darytýǵa atsalysýy óte mańyzdy», - delingen quttyqtaý hatta.

Prezıdenttiń atap ótýinshe, búgin de elordamyz álemdik jáne dástúrli din kóshbasshylary bas qosatyn órkenıetaralyq dıalog alańy ekenin moıyndalǵan.

«Bıylǵy Qazaqstan halqyna Joldaýda halqymyzdyń uly perzentteri – ál-Farabı, Abaı syndy oıshyldardyń eńbekterin keńinen dáripteý qajettigin atap ótken bolatynmyn. Sondyqtan, qoǵamdaǵy tatýlyq pen kelisimdi nyǵaıtý arqyly Qazaqstan halqynyń tutastyǵyn saqtap, ulttyq bolmysymyzdy aıshyqtaý – barshamyzǵa ortaq paryz. Bul jıyn Qazaqstan musylmandary dinı basqarmasynyń jumysyna jáne elimizdegi din ókilderiniń rýhanı bastamalaryna tyń serpin beredi dep senemin. Forým jumysyna sáttilik tileımin», - deıdi Qasym-Jomart Toqaev.

Aıta ketsek, elordada ótken forýmǵa QR Premer-Mınıstriniń orynbasary Berdibek Saparbaev, Aqparat jáne qoǵamdyq damý mınıstri Dáýren Abaev, memleket jáne qoǵam qaıratkerleri, ǵalymdar, depýtattar, belgili teologtar, elimizdiń ár aımaǵynan kelgen 500 ımam qatysty.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT