+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Toqaev: Depýtattardyń Prezıdent Strategııasyn nasıhattaýy ústirt bolmaýy kerek

2019 jylǵy 10 qańtar 18:45
Bólisińiz:
Toqaev: Depýtattardyń Prezıdent Strategııasyn nasıhattaýy ústirt bolmaýy kerek

ASTANA. QazAqparat - Búgin Parlament Senaty Bıýrosynyń otyrysy ótti , dep habarlaıdy joǵary palatanyń baspasóz qyzmeti.

Palata Tóraǵasy Qasym-Jomart Toqaev sharaǵa qatysýshylarǵa arnaǵan sózinde Memleket basshysynyń Qazaqstan halqyna Joldaýy aıasynda áleýmettik saladaǵy, sondaı-aq Jastar jylyn ótkizýge baılanysty mańyzdy mindetter boıynsha depýtattar korpýsy aldyndaǵy jumystardyń negizgi baǵyttaryn belgiledi.

«Senattyń kóptegen depýtattary Parlamentte aımaqtardyń múddesine ókildik etedi. Depýtattar korpýsy men atqarýshy bılik organdary, eń aldymen el aımaqtaryndaǵy áleýmettik máseleler men turǵyndardyń muń-muqtajyna basa nazar aýdarýy tıis. Qoǵamnyń turaqtylyǵyna qaýip tóndiretin jaǵdaılarǵa jol bermeý úshin aldyn alý sharalary jedel túrde ári ýaqytynda qabyldanýy kerek», - dedi Senat Tóraǵasy.

Q.Toqaev depýtattardy, ortalyq jáne jergilikti bılik organdaryn qoǵam ómirindegi ártúrli jaǵdaılardy naqty ári dálme-dál jetkizý úshin áleýmettik jelilerdi saýatty, jaýapkershilikpen ári bilikti túrde paıdalanýǵa shaqyrdy.

Senat Tóraǵasynyń pikirinshe, álem áleýmettik-ekonomıkalyq jáne saıası dúrbeleń kezeńine tap boldy. Qazaqstan óziniń kúmánsiz jetistikterimen qosa, ókinishke oraı, nashar tustarymen de kúlli jahandyq qoǵamdastyqtyń bólinbes bólshegi bolyp tabylady. Q.Toqaev bul jaǵdaıda bizdiń Prezıdent Strategııasynyń maqsattary men mindetterin jurtshylyqqa jetkizý jónindegi jumystardyń ústirt, taptaýryn sıpattan arylýyna depýtattardyń nazaryn aýdardy. «Bizdiń memleketimizdiń búgini men keleshegi týraly mazmundy ári qyzyqty pikir almasý bolýy tıis», - dedi Tóraǵa.

Q.Toqaev Jastar jylyna baılanysty birqatar usynystar aıtty. Onyń aıtýynsha, elimizdegi belsendi ári bilikti jastardyń ókilderin memleket múddesin ilgeriletý isine tartý maqsatynda senatorlardyń belsendi jumys isteýi qajet. Parlament joǵarǵy Palatasynyń basshysy Senatta ótetin is-sharalarǵa, onyń ishinde jalpy otyrystar men komıtetterdiń astanalyq jáne aımaqtyq joǵary oqý oryndarynyń stýdentterin, kásiporyndardyń jas jumysshylary men kompanııalar qyzmetkerleriniń qatysýyn uıymdastyrýdy usyndy. Q.Toqaev qoǵamdyq uıymdardyń, onyń ishinde «Jas Otan» ókilderiniń qatysýymen memlekettiń jastar saıasaty máseleleri boıynsha arnaıy sharalar ótkizýdi jón sanaıdy.

Q.Toqaevtyń sózinde aıtylǵan ózekti máseleler boıynsha Bıýro músheleri múddelilik turǵysynda pikir almasty.

Bıýro otyrysynda Palatanyń 17 qańtarda bolatyn kezekti otyrysynyń kún tártibi bekitildi.

Depýtattardyń qaraýyna Qazaqstan men Tájikstan arasyndaǵy kóshi-qon jáne azamattardyń oryn aýystyrýy máselelerin retteıtin úsh kelisimdi ratıfıkatsııalaý týraly zań jobalary engizildi. Atap aıtqanda, Senat kóshi-qon salasyndaǵy yntymaqtastyq, adamdardyń readmıssııasy, Qazaqstan azamattarynyń Tájikstan aýmaǵynda jáne Tájikstan azamattarynyń Qazaqstan aýmaǵynda bolý tártibi týraly úkimetaralyq kelisimderdi talqylaıdy. Odan basqa, Palata Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýy týraly shartqa ózgeris engizý týraly hattamany ratıfıkatsııalaý týraly zań jobasyn qaraıdy.

Bıýroda Májilisten túsken zań jobalary bas komıtetterge bólinip berildi. Qazaqstan men Qyrǵyzstan arasyndaǵy Qazaqstan-Qyrǵyz memlekettik shekarasynyń rejimi týraly kelisimdi jáne TMD-ǵa qatysýshy memleketterdiń terrorızmge qarsy kúresti júzege asyratyn quzyretti organdardy materıaldyq-tehnıkalyq qamtamasyz etýdegi yntymaqtastyǵy týraly kelisimdi ratıfıkatsııalaý týraly zań jobalary boıynsha Halyqaralyq qatynastar, qorǵanys jáne qaýipsizdik komıteti bas komıtet bolyp belgilendi.

Bizdiń kanalymyzǵa jazylyńyz:

Basty sózder: Senat, Elbasy Joldaýy 2018,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT