FÝTBOLDAN ÁLEM ChEMPIONATY-2022
  Jańalyqtar  >

Toqaev: Barshańyz usynǵan ortaq kandıdat retinde prezıdent saılaýyna túsý – men úshin zor mártebe

2022 jylǵy 6 qazan, 16:47
Toqaev: Barshańyz usynǵan ortaq kandıdat retinde prezıdent saılaýyna túsý – men úshin zor mártebe

ASTANA. QazAqparat – Kezekten tys prezıdent saılaýy – bolashaq damý baǵdarymyzdy aıqyndaıtyn asa mańyzdy naýqan. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Biz jańa saıası dáýirge qadam bastyq. 20 qarashada kezekten tys prezıdent saılaýy ótedi. Bul – bolashaq damý baǵdarymyzdy aıqyndaıtyn asa mańyzdy naýqan. Túrli qoǵamdyq uıymdar maǵan ózderiniń atynan saılaýǵa túsý týraly usynys bildirdi. Men buǵan deıin Memleket basshysy eshbir partııaǵa basymdyq bermeı, saıası turǵydan beıtarap bolý qajettigin aıttym. Osy ustanymym ózgermeıdi. Barshańyz usynǵan ortaq kandıdat retinde prezıdent saılaýyna túsý – men úshin zor mártebe ári úlken jaýapkershilik. Maǵan senim artqandaryńyz úshin barshańyzǵa rızashylyǵymdy bildiremin. Koalıtsııada basty saıası partııalardyń, qoǵamdyq uıymdar men qozǵalystardyń bolýy óte mańyzdy. Sebebi, onda barlyq áleýmettik toptar qamtylǵan», - dedi Memleket basshysy kandıdatýrany qoldaý jónindegi halyqtyq koalıtsııanyń forýmynda.


Uqsas jańalyqtar
Seriktester jańalyqtary

Jańalyqtar