+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Toǵyz aıdaǵy qorytyndy: Jambyl oblysynyń ekonomıkasy 2,3 paıyzǵa artty

2020 jylǵy 30 qazan 04:22
Bólisińiz:
Toǵyz aıdaǵy qorytyndy: Jambyl oblysynyń ekonomıkasy 2,3 paıyzǵa artty

TARAZ. QazAqparat – Jambyl oblysy ákimdiginde óńirdiń bıylǵy toǵyz aıdaǵy áleýmettik-ekonomıkalyq damýynyń qorytyndysy saralandy, dep habarlaıdy QazAqparat tilshisi.

Oblys ákimi Berdibek Saparbaev jyl basynan beri ekonomıkanyń turaqtylyǵy saqtalyp turǵanyn basa aıtty. Agrarlyq sektordy qospaǵanda, barlyq salalar boıynsha kórsetkishter respýblıkalyq deńgeıden joǵary.

Baıandama jasaǵan oblys ákiminiń orynbasarlary ózderi jetekshilik etetin salalardaǵy jumystarǵa toqtalyp ótti.

Aıtalyq, ótken jyldyń tıisti kezeńimen salystyrǵanda ónerkásip óndirisi 3,8 paıyzǵa ósse, ekonomıkalyq ósim 2,3 paıyzdy qurady. 433,1 myń sharshy metr turǵyn úı paıdalanýǵa berildi desek, bul jospardan 9,5 paıyzǵa joǵary. 230,3 mıllıard teńge ınvestıtsııa tartylyp, ósim 8,2 paıyzǵa jetken.

Sonymen birge ınflıatsııa deńgeıi 4,8 paıyzdy, jumyssyzdyq deńgeıi 4,9 paıyzdy qurap otyr. Bul kórsetkishter respýblıkalyq deńgeıden sál tómen.

Tıimdi ekonomıkanyń mańyzdy sharty – ınvestıtsııa tartý. Alaıda, birqatar aýdan ákimdikteri bul baǵytta álsizdik tanytýda.

«Bul, ásirese Jýaly, Rysqulov jáne Jambyl aýdandarynyń ákimderine qatysty. Jyl basynan beri olar birde-bir ınvestıtsııalyq joba usynbaǵan», - dedi aımaq basshysy.

Qurylys ındýstrııasy óńirdegi mańyzdy sala bolyp qala bermek. Bul boıynsha jyl sońyna deıin jalpy quny 52,3 mlrd teńgeni quraıtyn 221 joba júzege asyrylady. Ótken jyldyń sáıkes kezeńimen salystyrǵanda ósim 38,1 paıyzdy quraıdy. 2597 jeke turǵyn úı jáne 986 páter salyndy. Oblys boıynsha 32740 turǵyn kommýnaldyq turǵyn úı kezeginde tur. Onyń 47,1 paıyzy áleýmettik osal toptardyń ókilderi bolsa, 13,1 paıyzy kópbalaly otbasylar.

Aldaǵy jyly kezekte turǵandardy turǵyn úımen qamtamasyz etý úshin bıýdjetten 24,9 mlrd teńge qarastyrylatyn bolady. Onyń 17,5 mıllıardy – «Nurly jer» baǵdarlamasy boıynsha, 5,9 mıllıardy – «Jumyspen qamtýdyń jol kartasy» baǵdarlamasy boıynsha bólinse, qalǵan 0,9 mıllıardy - jataqhanalar salýǵa arnalmaq. Bul 2021 jyly turǵyn úı qoryn 3766 páterli 65 kópqabatty úıge ulǵaıtýǵa múmkindik beredi. Jyl sońyna deıin 3181 páterlik 55 kópqabatty úıdiń qurylysyn aıaqtaý josparlanýda.

Áleýmettik saladaǵy, ásirese densaýlyq saqtaý isindegi jaǵdaı da nazar aýdararlyqtaı. Aıtalyq, balalar óliminiń, týberkýlez jáne qaterli isiktiń ár túrli túrleriniń tómendeýi sekildi keıbir ındıkatorlardy oryndaýdyń oń tendentsııalary baıqalady. Degenmen, ana óliminiń ósý tendentsııasy seziledi.

Jalpy ólim-jitimdi tómendetý jolynda skrınıngtik jumystar júrgizilýde. Sondaı-aq, tájirıbeli medıtsınalyq qyzmetkerlerdi tartý, qajetti dári-dármektermen jáne jabdyqtarmen tolyq jáne ýaqytyly qamtamasyz etý mańyzdy ekendigin aıtpasaq ta túsinikti.

Sondaı-aq, keńeste Jumyspen qamtý baǵdarlamasynyń júzege asyrylýy, ishki jáne jastar saıasaty, tilderdi damytý, sport máselelerine qatysty jumystar da tyńdaldy.

Agrosalada esepti kezeńde óndirilgen ónim kólemi aqshalaı túrde 273 mlrd teńgeni qurasa, bul ótken jylmen salystyrǵanda 3,4 paıyzǵa joǵary.

Tıisti kezeńde 22,5 mlrd.teńge ınvestıtsııa tartylyp, jospar 103,9 paıyzǵa oryndalǵan. Mal sany 5,3 paıyzǵa ósti. Egis alqaby da ulǵaıýda. 359,3 myń gektardan 817 myń tonna astyq jınaldy, ár gektardan 22,7 tsentnerden ónim alyndy.

Óz orynbasarlarynyń baıandamalaryn tyńdaǵan aımaq basshysy Berdibek Saparbaev jınalǵandardyń nazaryn ózekti máselelerge aýdaryp, jaýapty tulǵalarǵa birqatar tapsyrmalar júktedi.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT