Tobyl UEFA Chempıondar lıgasyndaǵy alǵashqy matchynda teń tústi
2022 jylǵy 6 shilde 22:15

Tobyl UEFA Chempıondar lıgasyndaǵy alǵashqy matchynda teń tústi

NUR-SULTAN. QazAqparat - Fýtboldan UEFA Chempıondar lıgasy birinshi irikteý satysynda qazaqstandyq «Tobyl» alǵashqy oıynyn ótkizdi, dep habarlaıdy QazAqparat tilshisi.

Qostanaılyq klýb óz alańynda Vengrııanyń «Ferentsvarosh» komandasyn qabyldady.

Vengrııalyq komanda - tájirıbeli ujymdardyń biri. Budan burynǵy jyldarda UEFA Chempıondar lıgasy men Eýropa lıgasy toptyq kezeńinde synǵa túsken.

Atalǵan komanda 1899 jyly qurylǵan. Óz eliniń 33 márte chempıony atanǵan. 1964-65 jyldary Jármeńke kýbogynda jeńimpaz atansa, 1975 jyly Kýbok ıeleri kýbogynda fınalıst boldy.

Alaıda, búgingi kezdesýdiń qostanaılyq klýb úshin ońaıǵa soqpaıtyny belgili edi.

Oıyn barysynda qos komandanyń da jeńiske degen umtylysy baıqalyp turdy. Jasyl alań tórinde fýtbolshylar belsendi qımyl kórsetti. Dese de olardyń tepken doptary kózdegen nysanaǵa jetken joq.

Kezdesýde komandalar 0:0 esebine qanaǵat bildirdi.

Endi qarymta kezdesý 13 shildede Vengrııada ótedi.

Atalǵan jupta boıynsha jeńimpaz atanǵan komanda ekinshi irikteý satysynda «Slovan» (Slovakııa) men «Dınamo» Batýmı (Grýzııa) jubynyń jeńimpazymen sheberlik baıqasady.

Jeńilgeni Konferentsııa lıgasy ekinshi irikteý satysynda «Shkýpı» (Makedonııa) men «Lınkoln Red Imps» (Gıbraltar) jubynyń jeńilgen komandamen oınaıdy.


Uqsas jańalyqtar

Jańalyqtar

Úrdis

MURAǴAT