+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

TMD kóleminde temir jol arqyly júk tasymaly 14,3% ósken

2019 jylǵy 16 qazan 03:27
Bólisińiz:
TMD kóleminde temir jol arqyly júk tasymaly 14,3% ósken

NUR-SULTAN. QazAqparat - Aǵymdaǵy jyldyń 15-16 qazanynda Basqarma Tóraǵasy Saýat Myńbaev bastaǵan «Qazaqstan temir joly» UK» AQ delegatsııasy Mınskide ótken Dostastyqqa múshe-memleketter Temirjol kóligi jónindegi keńesi 71-shi otyrysynyń jumysyna qatysty.

Uqsas jańalyqtar
Túrik ınvestory «Qyzyljar» ekonomıkalyq aımaǵynyń alǵashqy qatysýshysy atandy Mundaı oqıǵa ár eldiń tarıhynda bir-aq ret kezdesedi - Elbasy teńgeniń engizilýi jaıly «Bir kúndik» fırmalardy bastapqy satyda anyqtaý boıynsha jańa joba júrgizilýde

«Qazaqstan temir joly» UK» AQ baspasóz qyzmetiniń habarlaýynsha, otyrysqa qatysýshylar aǵymdaǵy jyl basynan halyqaralyq qatynastaǵy jolaýshylar kesheniniń, temir jol jelisin paıdalaný jumysynyń qorytyndysyn shyǵardy.

TMD elderi temir joldary jelisi boıynsha 2019 jyldyń toǵyz aıynyń qorytyndysy boıynsha 1 mlrd. 506 mln. tonnadan astam tasymaldansa, bul 2018 jyldyń sáıkes kezeńi deńgeıimen salystyrǵanda 6% tómen. Temirjol ákimshilikteriniń kópshiligi ózderine alǵan mindettemelerin 100% oryndady.

Dostastyq elderi temir joldarymen konteınerlik júk tasymaly ótken jyldardaǵy kórsetkishtermen salystyrǵanda 14,3% ósken.

Otyrysta memleketaralyq túıisý pýnkteriniń jumystaryn jetildirý, konteınerlik quramdar qozǵalysynyń kestesin oryndaý, poıyzdardy qurastyrý men ótkizýmen baılanysty, halyqaralyq qatynastaǵy júkterdi tasymaldaýda uıymdastyrýdy jaqsartý jónindegi sharalar aıqyndaldy.

2020 jylǵa barlyq jyljymaly quram boıynsha júk vagondaryn paıdalanýdaǵy qazirgi stavka kólemin saqtaý týraly sheshim qabyldandy.

Otyrys barysynda temirjol kóligi salasyndaǵy normatıvti-tehnıkalyq qujattaryn ózektendirý máseleleri qaraldy.

2019 jyldyń 1 qarashasynan Júk vagondaryn jedel qaıtarý rejıminde buzýshylyqtardy esepke alý tártibi týraly ádisteme, sondaı-aq Halyqaralyq jolaýshylar qatynasyna qatysty kelisimge ózgerister men tolyqtyrýlar engizý kúshine enedi.

2019/2020 jyldarǵa arnalǵan halyqaralyq qatynastaǵy vagon aǵyny baǵytynyń tártibi, júk poıyzdary men konteınerli vagondardy qurý jospary, poıyzdar qozǵalysynyń kestesi bekitildi.

2019 jyldyń 15 jeltoqsanynan Júkterdiń biryńǵaı tarıftik-statıstıkalyq nomenklatýrasyna ózgerister men tolyqtyrýlar iske asa bastaıdy.

Sondaı-aq vagon men jolaýshylar sharýashylyǵyna, júkterdi tasymaldaý máseleleri boıynsha birqatar qujattarǵa engizilgen ózgerister men tolyqtyrýlar bekitildi.

Qabyldanǵan sheshimder memleketaralyq qatynastaǵy temir jol jelisi qyzmetiniń, júkter men jolaýshylar tasymalynyń tıimdiligin arttyrýǵa, jyljymaly quramdy tehnıkalyq ustap turý, jóndeý jónindegi jumystardy jaqsartýǵa baǵyttalǵan.

Otyrysqa qatysýshylar 2019 jyldyń mamyrynda ótkizilgen, júk vagondaryna nomerlik sanaq qorytyndysyn shyǵardy.

Otyrysta Iran temir jol ákimshiligine qaýymdastyrylǵan múshe statýsy berildi.

Aǵymdaǵy jyl qazanynyń sońynda Tallınde ótetin aldaǵy XXVIII Tarıftik Konferentsııada qabyldanatyn 2020 frahtalyq jylyna halyqaralyq qatynastaǵy júk tasymalynda TMD múshe-elderi temir joldarynyń tarıftik saıasaty týraly másele talqylandy.

Tolyqtaı alǵanda, múshe-memleketter temir joly jelisi boıynsha jolaýshylar men júk poıyzdarynyń kedergisiz qozǵalysyn, temirjol kóliginiń úzdiksiz jumysyn qamtamasyz etý jónindegi 10-nan asa másele qaraldy jáne kelisildi.

Mınskide ótken Dostastyqqa múshe-memleketter temirjol kóligi jónindegi keńesiniń 71-shi otyrysynyń sheńberinde S. Myńbaev birqatar ekijaqsy kezdesýler ótkizdi.

Bizdiń kanalymyzǵa jazylyńyz:

Basty sózder: Ekonomıka, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT