+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

TMD elderinde keden operatsııalary jetildirildi

2019 jylǵy 7 qarasha 11:16
Bólisińiz:
TMD elderinde keden operatsııalary jetildirildi

NUR-SULTAN. QazAqparat – Parlament Senatynyń jalpy otyrysynda «1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattamany ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Hattama TMD-ǵa qatysýshy memleketterdiń úkimetteri arasynda yntymaqtastyqty keńeıtýge jáne tereńdetýge, járdemdesýge ári ózara kómek kórsetýge baǵyttalǵan.

«Atalǵan kelisim TMD memleketteri keden qyzmetteriniń ózara is-qımyl tártibin retteıtin negizgi halyqaralyq shart bolyp sanalady. Kelisimge qol qoıylǵannan beri jıyrma jyldan astam ýaqyt ótti. Osyǵan baılanysty atalǵan qujat normalaryn tıisti ózgerister engizý jolymen jetildirý qajet. Hattama keden salasyndaǵy TMD normatıvtik-quqyqtyq bazasyna júrgizilgen túgendeý qorytyndysy boıynsha TMD elderimen birlesip ázirlendi», - dedi QR Qarjy mınıstriniń mindetin atqarýshy Berik Sholpanqulov.

Onyń sózine qaraǵanda, málimetterdi berý, saýaldardyń mazmuny, saýaldy oryndaý, alynǵan aqparatty paıdalaný máselelerine qatysty birqatar negizgi baptarǵa ózgerister engizý usynylady.

«Zań jobasyn qabyldaý kedendik shekaralar arqyly ótkiziletin taýarlar men kólik quraldaryna keden baqylaýyn qamtamasyz etýge, TMD elderi keden organdarynyń qyzmetin úılestirý men tıimdi ózara is-qımylyn qamtamasyz etýge, keden zańnamasyn buzý táýekelderin barynsha azaıtýǵa, sondaı-aq keden operatsııalaryn jasaýdy jetildirýge yqpal etedi», - dedi B. Sholpanqulov.

Bizdiń kanalymyzǵa jazylyńyz:

Basty sózder: TMD, Senat, Keden, QR Qarjy mınıstrligi,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT