+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Tis dárigeri: Maqsatym – qoldan kelgenshe kópke qyzmet kórsetý

2021 jylǵy 20 maýsym 10:16
Bólisińiz:
Tis dárigeri: Maqsatym – qoldan kelgenshe kópke qyzmet kórsetý

ÓSKEMEN. QazAqparat – Tis emdeýmen aınalysyp kele jatqanyna 35 jyldan asqan stomatolog Muqash Nurseıitovke Óskemen jurtshylyǵy tek rızashylyqtaryn bildiredi. Bilikti tis dárigeriniń ul-qyzy da áke jolyn qýǵan.

Uqsas jańalyqtar
Qazaqstanda koronavırýstan emdelip jatqan 1,5 myńǵa jýyq naýqastyń jaǵdaıy aýyr Aqtóbeniń bas ınfektsıonıst dárigeri: Koronavırýs ınfektsııasy - ókpe ınfarkti Almatyda epıdahýal kúrt nasharlady - Jandarbek Bekshın

QazAqparat tilshisi medıtsına qyzmetkerleri kúnine oraı Marqakól aýdany Aqbulaq aýylynyń týmasymen jolyǵyp, suhbattasyp qaıtqan bolatyn.

- Bala kúnińizde stomatolog bolamyn dep oıladyńyz ba?

- Shynymdy aıtsam, tis dárigeri bolý meniń bala kúngi armanym edi. 1978 jyly orta mektepti bitirdim. Bos júrmeı eki qolǵa bir kúrek ustap aýylda bir jyldaı túrli jumys istedim. Sáti túsip 1979 jyly Qaraǵandydaǵy ózim armandaǵan medıtsınalyq ınstıtýtqa oqýǵa tústim. Onda stomatologııa fakýlteti bir jyl buryn ǵana ashylǵan eken. Bizge sabaq beretin ustazdarymyz óte bilimdi boldy. Alǵash ashylǵan fakýltettiń tártibi men talaby qatal-tuǵyn. Aýyldan kelgen bizdiń sabaq úlgerimimizdi qatań qadaǵalap otyratyn. Sondyqtan bolar, sol bilim ordasynan túlep ushqan túlekterdiń eshqaısysy jerde qalmady. Dúnıejúzine tanylǵan doktorlar men professorlar kóp shyqty. Oqýymdy bitire salysymen Óskemen qalalyq tis emdeý emhanasynda alǵashqy qyzmetimdi bastadym. Bir kúni Asýbulaq kentine jol túsip qonaqqa barǵanmyn. Sol qonaqasyǵa jergilikti aýrýhananyń bas dárigeri de kelipti. Jón surasqannan keıin birden áńgimemiz jarasyp ketti. Sóz arasynda ol kisi meni Asýbulaq kentindegi aýrýhananyń tis dárigeri bolyp jumys isteýge usynys jasady. Sóıtip, eńbek jolymdy sol jaqta jalǵastyrdym.

- Aq halatty janda qandaı qasıet bolý kerek dep oılaısyz?

- Shydamdylyq pen eńbeksúıgishtik kerek. Sondaı-aq bilim alyp, biliktiligińdi odan saıyn shyńdaýdan jalyqpaǵan jón. Ýaqyt shekti bolǵanymen bilim sheksiz ǵoı. 1998 jyly professor Maqsut Temirbaev Almatyda tis emdeý salasyn damytý maqsatynda arnaıy eki aılyq kýrs ashty. Ol jerge Germanııa, Japonııa jáne taǵy birneshe elden úlken mamandar kelgen bolatyn. Men de sol jıynǵa qatystym. Jınalǵandar túgel iri qalalar men aýdandardan kelgen dárigerler. Tirkeý barysynda bizdiń qaıdan kelgenimizdi, qandaı aspaptarmen jumys isteıtinimizdi surady. Ol kezde men keńes kezindegi eski qural-jabdyqpen jumys isteıtin edim. Kelgenderdiń bári jańa tehnıkany meńgergen mamandar. Shetterinen bilimdi kórindi. Ózimniń jumys istep júrgen jerimdi aıtýǵa yńǵaısyzdanyp, «Ulan aýdandyq Asýbulaq kenti aýrýhanasynan keldim» dep aıta saldym. Jaýapty adam kelgen jerimdi tirkep jatyp «bosqa keldiń» degendeı selqos jaza saldy. Sabaq barysynda teorııa men praktıka qatar júrdi. Tis emdeýge qatysty birneshe suraqtar qoıylyp jatty. Bári aıtyp jatyr. Bir kezde «Óskemendik dáriger ne aıtady eken?» dep kezekti maǵan berdi. Shamam kelgenshe bilgenimdi túıindep men de aıanyp qalmadym. Jaýabymdy tyńdaǵan professor sál oılanyp turyp, «búgin sen menen emes, kerisinshe men senen kóp maǵlumat aldym» dep rıza bolyp qalyp edi. Sol jolǵy saparda tis emdeýdiń tehnıkasyn jaqsy meńgerip qaıttym.

- Ár salanyń qyzyǵy men shyjyǵy qatar júredi ǵoı. Jumys barysynda qandaı da bir este qalarlyq oqıǵalar boldy ma?

- Bir kúni bizdiń aýrýhanaǵa bir sarbaz kelip tústi. Erni jyrylǵan, bet-aýzy qan-josa. Biraq eshkim bas dárigersiz emdik jumystaryn isteýge batyly barmady. Sol kezde bas dáriger «aýyryp kelgen naýqas bolsa habarlasyńdar» dep ketip qalǵan bolatyn. Dárigerler birden oǵan habarlasqan sııaqty. Ol kisi kelgenshe men jarany tigýge kiristim. Bir kezde júgirip bas dáriger de kirip keldi. Kórdi de «jalǵastyra ber» dep ıshara jasady. Bet terisin tolyqtaı tazartyp tigip boldym. Ertesinde ol kisi meni kabınetine shaqyryp alyp, «bizde bet-jaq súıekterin emdeıtin maman joqtyń qasy, sen daıyn tur ekensiń ǵoı» dep maqtady.

- Ózińiz alǵashqy stomatologııańyzdy qashan ashtyńyz?

- 2002 jyly Óskemende kópten kútken alǵashqy «Juldyz» stomatologııalyq kabınetimdi ashtym. Bastabynda qarjylyq jaǵynan biraz qıyndyqtar bolyp, jańa tehnıka alýǵa múmkindik bolmady. Sol sebepti emdelýshiler tarapynan tehnıkalardy jańartý týraly usynystar túse bastady. Kóbisi maǵan senimsizdikpen qaraıtyn. Sebebi basqa áriptesterim jańa tehnıkamen jumys isteıtin. Biraq ýaqyt óte kele biliktiligimdi kórsete aldym. Keıin kele aıadaı ǵana jerde emdelýshiler uzyn-sonar kezekte otyratyn boldy. Ýaqyt óte kele ekinshi, úshinshi jáne tórtinshi tis emdeý kabınetin ashtyq. Qazir kóptegen stýdentter bizde tájirıbeden ótip jatyr. Tájirıbe barysynda kózge túsken bilimdi jastar bolsa ózimizge jumysqa alyp qalýǵa tyrysamyn.


- Basqa qandaı hobbıińiz bar?

- Ózim bala kúnnen voleıbol oınaǵandy jaqsy kóremin. Keıde eshkisin dostar-áriptester jınalyp, sportzalda voleıbol oınaımyz. Asýbulaqta jumys istep júrgende Ulan aýdanynyń voleıbol qurama komandasynda oınadym. Qazirgi kezde ardagerler arasynda ózimizdiń komandamyz bar. Qurylysshylar Mádenıet saraıynda jattyǵamyz. Oblystyq, respýblıkalyq jáne halyqaralyq oıyndarda júldeger boldyq. Birde Túrkııaǵa baryp voleıboldan birinshi oryndy qanjyǵalap qaıtqan sátterimiz de bolǵan. Menińshe, ár adam óziniń belgili bir qyzyǵýshylyǵy bar sport túrimen shuǵyldanǵany durys.

- Otbasyńyz jaıly aıtyp ótseńiz...

- Áıelim, 3 balam bar. Ulym men qyzym jolymdy qýyp tis dárigeri bolsa, ekinshi ulym ekonomıst bolyp qyzmet isteıdi. Úlken ulym Tilektiń stomatolog bolyp jumys istegenine 10 jyldan asty. Bilikti maman ımplant salýdyń jańa ádis-tásilin jete meńgergen. Qyzym Juldyz tis dárigeri mamandyǵyn 6 jyl oqyp, bitirdi. Eńbek jolyn bastaǵanyna 3 jyl boldy. Bala kúnderinen úıde estip, kórgenderi 32 tistiń áńgimesi bolsa qalaı dáriger bolmasyn?! Bir qyzyǵy, balalar jastaıynan ózderi qyzyǵýshylyq tanytatyn. Sondyqtan áńgimemizdiń basym bóligi emshilik taqyryby tóńireginde órbıtin edi.

- Áńgimeńizge kóp rahmet!


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT