Tirkelgen koronavırýs jaǵdaılarynyń 80 paıyzy «omıkron-stels» túrine jatady – mınıstr
2022 jylǵy 1 shilde 11:11

Tirkelgen koronavırýs jaǵdaılarynyń 80 paıyzy «omıkron-stels» túrine jatady – mınıstr

NUR-SULTAN. QazAqparat – Jyl basynan beri Qazaqstanda tirkelgen koronavırýs jaǵdaılarynyń 80 paıyzy «omıkron-stels» túrine jatady. Bul týraly QR Densaýlyq saqtaý mınıstri Ajar Ǵınııat astanada ótip jatqan Halyqaralyq neırohırýrgııa forýmynyń kýlýarynda málim etti, dep habarlaıdy QazAqparat tilshisi.

«Ótken jyldyń aıaǵynan bastap búkil dúnıejúzinde taralyp kele jatqan «omıkron» shtamynyń bizdiń elde de taralýy baıqalyp otyr. Sol «omıkron» shtamynyń «stels» túri keńinen tarap jatyr. Biz ózimiz aı saıyn genetıkalyq zertteýler júrgizemiz. Ony da sizder bilesizder, habarlap turamyz. Sońǵy zertteýlerdiń qorytyndysy tirkelgen jaǵdaılardyń 80 paıyzdaıy «omıkron-stels» túri ekenin kórsetip otyr», - dedi Ajar Ǵınııat.

Sondaı-aq, ol elde epıdemıologııalyq statıstıkanyń ósýine baılanysty maska rejımin engizý qanshalyqty múmkin ekeni týraly pikir bildirgen bolatyn.

«Ózderińiz bilesizder, elimizde epıdemıologııalyq jaǵdaıdy baqylaıtyn matrıtsa bar. Eger óńirlerimiz «jasyl» nemese «qyzyl» aımaqtarǵa ense, tıisti sanıtarlyq-epıdemıologııalyq sharalar qoldanylady. Qazirgi jaǵdaıda «jasyl» aımaqta bolǵandyqtan ondaı sharalar joq. Al eger «sary» aımaqqa kirgen keıbir óńirlerde aýrý-syrqaý kóbeıip, qandaı da bir qaýip-qater týyndasa, mınıstrlik tarapynan sanıtalyq-epıdemıologııalyq dárigerdiń tarapynan sharalar qoldanylady. Búgingi tańda alańdaýǵa negiz joq. Biraq aldaǵy kúnimizdi oılap, qandaı da bir sharalardy josparlap qoıamyz», - dedi Densaýlyq saqtaý mınıstri.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT