+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Tımýr Súleımenov Halyq densaýlyǵy týraly kodeks jaıynda: Balans saqtalýy tıis

2020 jylǵy 28 aqpan 16:40
Bólisińiz:
Tımýr Súleımenov Halyq densaýlyǵy týraly kodeks jaıynda: Balans saqtalýy tıis

NUR-SULTAN. QazAqparat - Densaýlyq saqtaý salasynda álemdik deńgeıdegi básekege qabilettilikke qol jetkizýde tsıfrlandyrý mańyzdy rólge ıe. Bul týraly búgin QR Densaýlyq saqtaý mınıstrliginiń alqa otyrysynda QR Prezıdenti Ákimshiligi Basshysynyń orynbasary Tımýr Súleımenov aıtty.

Uqsas jańalyqtar
Júrgizýshi kýáligin alý úshin medıtsınalyq kómek kórsete bilý mindetteledi Qazaqstanda klınıkalyq mamandyqtardy bazalyq daıarlaý merzimi 1 jylǵa qysqarady

«Álemdik deńgeıdegi básekege qabilettilikke qol jetkizýde tsıfrlandyrý mańyzdy rólge ıe. Ótken jyly mınıstrlik ózge organdarmen, onyń ishinde Tsıfrlyq damý mınıstrliginiń dárilik qamtamasyz etý júıesin tsıfrlandyrýda úlken jumys júrgizdi. Bul keıbir kemshilikterdi, jumystardaǵy biren-saran sapasyz ádisterdi anyqtap, túzetýge múmkindik bergen úlken jetistik boldy», - dedi Tımýr Súleımenov.

Onyń atap ótýinshe, elimizdegi kóptegen klınıka jumystaryn elektrondy formatqa kóshirdi. Degenmen, bul baǵytta atqarylýy tıisti jumystyń kólemi áli de aýqymdy.

«Mindetti áleýmettik medıtsınalyq saqtandyrý aıasynda barlyq aqparattyq júıeni yqpaldastyrý, densaýlyq elektrondy tólqujattardy mazmundyq turǵyda tolyqtyrý, sonymen qatar medıtsınalyq aqparattyq júıeniń úzdiksiz jumysyn qamtamasyz etý qajet. Sondyqtan, dárigerler barlyq reformalardyń negizgi jetekshisi sanalady. Olar densaýlyq saqtaý salasyn tsıfrlandyrý yńǵaıly ári qajetti ekendigin túsinýi tıis. Osyǵan oraı biz medıtsınalyq aqparattyq júıelerdiń tolyqqandy ári sapaly jumys isteýin kútemiz», - dedi Prezıdent Ákimshiligi Basshysynyń orynbasary.

Sonymen qatar ol Halyq densaýlyǵy týraly jańa kodekstiń ázirlenip jatqanyn jáne qujat bıyl qabyldanýy tıistigine nazar aýdartty. Atalǵan qujatta qoǵamda kóteriletin problemalar men ózekti máseleler arasynda balanstyń saqtalýy mańyzdy ekendigin basa aıtty.

«Biz kodeks otandyq densaýlyq saqtaý salasyna tyń serpin berip, ony jańa sapaly deńgeıge shyǵaratyndyǵyn kútemiz», - dedi QR Prezıdenti Ákimshiligi Basshysynyń orynbasary.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT